बेलिना थापा, लमजुङ, असोज १६ गते । लमजुङका अतिरिक्त हुलाकका प्रतिनिधि, वितरक र डाक बाहकले काम गर्न समस्या भएको बताएका छन् । साबिकको गाविस रहँदा वडाअनुसार चिठीमा ठेगाना उल्लेख गरेपनि अहिले गाउँपालिका÷नगरपालिकाको वडा मात्र उल्लेख गर्दा चिठ्ठी पु¥याउन समस्या भएको बताएका छन् ।
दोर्दी गाउँपालिका वडा नम्बर ५ पाचोकका छकबहादुर घलेले लामोसमयसम्म काम गर्दा समस्या नभएपनि अहिले स्थानीय तहगत संरचनापछि असहज भएको बताउनुभयो । ‘पहिले गाविस थियो एउटा गाविसमा नौं वडा हुने भएकाले कसको चिठ्ठी हो पत्ता लाग्न सहज थियो तर अहिले एउटै गाविस एउटा वडा भएको छ, ठूलो भुभाग भएको र वडा नम्बर मात्र लेखेर आएको चिठ्ठी कसको हो भनेर खोज्नै समस्या भइरहेको छ ।’ घलेले भन्नुभयो ।
३० वर्षदेखि हुलाकीको रुपमा काम गर्दै आउनुभएका बेंसीसहर नगरपालिका ३ गाउँशहरका मनकाजी श्रेष्ठले संघ संस्था, बैंकलगायतले राम्रोसँग ठेगाना नखुलाउँदा पत्र फिर्ता हुने गरेको बताउनुभयो । उहाँले भन्नुभयो– ‘अहिले सरकारी चिठ्ठीहरु आउँछ, व्यक्तिको नाम र थर समेत विगारेर आउँछ । ठेगाना स्पष्ट हुँदैन । हामीलाई सम्बन्धित कहाँ पु¥याउन समस्या छ । कहाँ दिने र कसलाई दिने हुन्छ । काम थपियोस् तर सहज पनि हुनुपर्छ ।’ श्रेष्ठले भन्नुभयो । उहाँले कामको चाप बढ्ने तर तलव सुविधा नबढ्ने गर्दा हुलाकीहरु समस्यामा परेको बताउनुहुन्छ । ‘अहिलेको तलव सात हजार रुपैयाँ मात्र छ, अन्य कर्मचारीको जस्तै आफुहरुको पनि तलब बृद्धि हुँदै जानुपर्नेमा हुलाक सेवाका कर्मचारीहरुको तलव बृद्धिका ध्यान दिइएको छैन ।’ श्रेष्ठले भन्नुभयो ।
हुलाकी हरिकृष्ण घिमिरेले जिल्लामा लामो समयसम्म काम गर्दै आएकालाई सम्मान हुनुपर्ने र कामका साथै तलब बृद्धि हुनुपर्ने बताउनुभयो । एक ठाउँको सूचना पु¥याउन घरघरमा पुग्ने हुलाकीको दुःख अनुसारको पारिश्रमिक हुनुपर्ने उहाँले बताउनुभयो । जिल्ला हुलाक कार्यालय लमजुङका निमित्त हुलाक अधिकृत ज्ञानेन्द्रप्रसाद मरासिनीकाअनुसार कार्यालय अन्तर्गत दुई सय १० जना कर्मचारी छन् ।
दरबन्दी दुई सय ६४ छ । ५० वटा अतिरिक्त हुलाकमा एक सय ७३ जना, स्थायी कर्मचारी २७ र करारमा १९ जना छन् । स्थायी कर्मचारी दरबन्दी ६३ जनाको छ । हुलाक कार्यालयले चिठीपत्रको काम मात्र नभएर बैदेशिक पाठशल पु¥याउने समेत व्यवस्था गरेको छ ।
यसको हकमा भारतीय पेन्सनरहरुमा बढी समस्या भएको कार्यालयका खरिदार सुमन ढकालले बताउनुभयो । उहाँका अनुसार बाहिरबाट चिठी तथा पाठशल पठाउँदा ठेगाना स्पष्ट नहुँदा फिर्ता हुने गरको छ । प्रमुख जिल्ला अधिकारी डा. डिजन भट्टराईले हुलाकमा सेवाग्राही घटेकोले सेवामा विविधिकरण गर्नुपर्ने बताउनुभयो । कार्यालयअन्तर्गत ठूलो संख्यामा कर्मचारी रहेकाले जिल्लाको सूचना संकलनमा सहयोग पुग्ने र शान्ति सुरक्षामा समेत सघाउ पुग्ने बताउनुभयो ।
