काठमाडौं । बिहीबार १ सय ५६ जना कोरोना संक्रमित उपचारपछि विभिन्न अस्पतालबाट डिस्चार्ज भएका छन्।
नेपालमा कोरोना भाइरसको संक्रमणबाट निको हुनेको संख्या १२ हजार ८ सय ४० पुगेको स्वास्थ्य तथा जनसंख्या मन्त्रालयले जनाएको छ। यसअघि बुधबार २ सय ७ जना डिस्चार्ज भएका थिए।
भोजपुर, पाँचथर, संखुवासभा, रसुवा, मनाङ, मुस्ताङ सहित ६ जिल्ला कोरोनामुक्त भएका छन्।
नेपालमा पछिल्लो २४ घण्टामा थप १ सय ४७ जनामा कोरोना भाइरसको संक्रमण देखिएको छ। योसँगै संक्रमितको संख्या १८ हजार २ सय ४१ पुगेको छ।
बिहीबार विभिन्न प्रयोगशालबाट ३ हजार ४ सय ८१ जनाको पिसिआर टेस्ट भएको छ।
हालसम्म २० हजार ९८ जना क्वारेन्टाइनमा रहेका छन् भने ५ हजार ३ सय ५८ जना आइसोलेसनमा रहेको मन्त्रालयले जनाएको छ।
