काठमाडौं । डीएफएसके मोटर्सको नेपालका लागि आधिकारिक वितरक कुजु नेपाल विन्टर अफर ल्याएको छ ।
उक्त अफर अन्गर्तत डीएफएसके मोर्टसको ग्लोरी ५६० एसयुभी कार १० लाख रुपैयाँ डाउनपेमेन्टमा खरिद गर्न सकिने भएको छ ।
उक्त एसयुभीको मूल्य ५८ लाख ५० हजारदेखि ६४ लाख ५० हजार रुपैयाँसम्म निर्धारण गरिएको छ । कुजु नेपालले जम्मा १० लाख मात्र डाउनपेमेन्टमा गाडी उपलब्ध गराउने योजना ल्याएको हो ।
कम्पनीले अटो लोनको प्रावधान अनुसार कम्तिमा २९ लाख २५ हजारदेखि ३२ लाख ५० हजार रुपैयाँसम्म भुक्तानी गर्नु पर्ने भएपनि उक्त सुविधा दिएको हो । बाँकी रकमलाई सरल किस्ताबन्दिमा भुक्तानी गर्न सकिने कम्पनीले जनाएको छ ।
यसका साथै उक्त गाडी खरिदमा ग्राहकले २ लाख ५० हजार रुपैयाँ नगद छुट र ५० हजार एक्सचेञ्ज बोनस, सहज फाइनासिङको अवसर र एक वर्षको वार्षिक सडक दस्तुर छुट प्रदान गरिने कम्पनीले जनाएको छ ।
