बागलुङ जेठ ३० । बागलुङ जिल्ला मुख्य सडक भएर गुड्ने सवारी साधनको अस्थायी भाडादर कायम गरिएको छ । जिल्ला प्रशासन कार्यालय बागलुङका प्रमुख जिल्ला अधिकारी रोशनीकुमारी श्रेष्ठको अध्यक्षतामा बसेको बैठकले बागलुङ र छिमेकी म्याग्दीका २१ स्थानमा चल्ने बस तथा जीपको भाडादर कायम गरिएको हो ।
२०८० असार १ गतेदेखि लागू हुनेगरी कायम गरीएको भाडादर यस अगाडिको भन्दा कम रहेको छ । नयाँ कायम गरिएको भाडा अनुसार बागलुङ बजारदेखि बुर्तिवाङ पुग्न बसका लागि ८३० रुपैयाँ र ९८० रुपैयाँ, बागलुङ बजारबाट बेनी म्याग्दी पुग्नका लागि बसको १०० रुपैयाँ र जीपको १२० रुपैयाँ, बागलुङ बजारबाट हटिया पुग्नका लागि बसको ४५० र जीपको ५७० रुपैयाँ, बागलुङबाट निसीखोला पुग्नका लागि बसको ९८० र जीपको ११६० रुपैयाँ भाडा कायम गरिएको प्रमुख जिल्ला अधिकारी रोशनीकुमारी श्रेष्ठले जानकारी दिनुभयो ।
यस्तै बैठकले स्थानीय स्तरका भित्री सडकका चल्ने सवारीसाधनका लागि सम्बन्धीत स्थानीय तहले भाडादर कायम गरी सवारीसाधन सञ्चालन गर्ने निर्णय गरेको छ । बैठकले नयाँ भाडादरलाइ कडाइका साथ लागू गर्ने, सवारीकाे सिट सँख्या, भाडँदर, छुट सहितको आरक्षण कडाइका साथ लागू गर्ने निर्णय भएकाे प्रमुख जिल्ला अधिकारी श्रेष्ठले जानकारी दिनुभयाे ।
