बागलुङ । इमेज बचत तथा ऋण सहकारी संस्थाका संस्थापक अध्यक्ष तथा बागलुङको ढोरपाटन नगरपालिका नगर प्रमुख देवकुमार नेपाली फरार भएको छ महिनापछि सामाजिक सञ्जाल फेसबुकमार्फत सम्पर्कमा आएका छन् । उनले आफ्नो व्यक्तिगत फेसबुकमार्फत बचत कर्ताहरूलाई आफू जिउधनको सुरक्षा नभएका कारण केही समय टाढा बस्नु परेको बताएका छन् ।
उनले आफ्नो व्यक्तिगत फेसबुकमार्फत बचतकर्ताहरूलाई आफू जिउधनको सुरक्षा नभएका कारण केही समय टाढा बस्नु परेको बताएका छन् ।नेपाली फेसबुक लाइभ मार्फत सम्पर्कमा आएका हुन् । उनले आफ्नो घरमा केही मानिसहरू हतियार सहित आएर ज्यान मार्ने धम्की दिएको र छ लाख बचत भएकाले करोडको घर मागेको भन्दै बेपत्ता हुनुपरेको बताएका छन् ।
संस्थापक अध्यक्षकै हैसियतले वक्तव्य निकालेर जानकारी समेत दिएको भन्दै उनले फेसबुक लाइभ मार्फत इमेज सहकारीको समस्या व्यवहारिक रूपमा समाधान गर्ने बताएका छन् ।
आफ्नो चल अचल सम्पत्ति पुरै बागलुङमा रहेको भन्दै कर्मचारीले आफूलाई सहयोग नगरेको बताएका छन् । उनले नगरप्रमुख भएर वुर्तिवाङ मा बस्दा सहकारीमा समय दिन नसकिएको स्वीकार गर्दै इमेजमा बचतकर्ताहरूले भनेजस्तो पुरै डिपोजिट नभएको समेत बताएका छन् । करोडौँ डिपोजिट रहेको बताएका बचतकर्ताले कर्जा मार्फत अधिकांश रकम फिर्ता लगिसकेकोसमेत बताएका छन् ।
कर्मचारीले मनपरि ढंगले ऋण लगानी गरेको भन्दै उनले आफूले बचतकर्ताको रकम फिर्ता गर्न मागेको ६ महिना समयका लागि केही साथीहरू कुर्न नसकेको बताएका छन् ।
उनले आफ्नो घर जग्गा बिक्री गरेर बचत फिर्ता गर्ने वातावरण मिलाउन बचतकर्ता तथा शेयर सदस्य, नागरिक समाज, राजनीतिक दल र पत्रकारसँग आग्रह गरेका छन् ।
भिडियो हेर्न लागि यो लिङ्क हेर्नु होस
