बागलुङ , ४ असार । ढोरपाटन नगरपालिका वडा नम्बर ७का वडा अध्यक्ष धनबहादुर अदै पक्राउ परेका छन् । आफ्नै शैक्षिक योग्यताका प्रमाणपत्र किर्ते गरेको आरोपमा जिल्ला प्रहरी कार्यालय बागलुङले अघिल्लो बुधबार उनलाई घरबाट पक्राउ गरेको हो ।
कक्षा १० को शैक्षिक योग्यताको प्रमाणपत्र किर्ते गरेको भन्दै उनलाई पक्राउ गर्न अख्तियार दुरुपयोग अनुसन्धान आयोग पोखरा कार्यालयले प्रहरीलाई पत्राचार गरेको थियो । अदै विरुद्धमा कागजात किर्ते मुद्दामा जिल्ला अदालत बागलुङबाट म्याद थप गरेर अनुसन्धान भैरहेको प्रहरी निरीक्षक प्रताप पौडेलले बताए । अदै राष्ट्रिय जनमोर्चाबाट वडाध्यक्षमा निर्वाचित भएका थिए ।
