बागलुङ, १५ असार । बागलुङको गलकोट नगरपालिका–८ काँडेवासमा पहिरोले घर पुरिदा बृद्ध दम्पत्ति बेपत्ता भएका छन् ।
शनिबार विहान ३ बजे अविरल वर्षको कारण घरमाथीबाट आएको पहिरोले घरसहित ५५ वर्षीय प्रेम विक र उहाँकी श्रीमती ५० वर्षीया बसन्ती विक पुरिएको वडाअध्यक्ष तेज प्रसाद सापकोटाले जानकारी दिए ।
जिल्ला प्रहरी कार्यालय बागलुङका प्रमुख प्रहरी उपरीक्षक ऋषिराम कंडेलले ३ सय मिटर माथिबाट आएको पहिरोले विकको घरसहित दम्पती पुरिएको बताए । घटनास्थलमा प्रहरी पुगेर खोजीकार्य सुरु गरेको प्रहरी उपरीक्षक कंडेलले बताए । घटनाको थप विवरण आउन बाँकी छ ।
त्यस्तै पहिरोको कारण मध्यपहाडी लोकमार्ग र कालिगण्डकी कोरिडोरको बागलुङ खण्ड अवरुद्ध भएका छन् । भीषण बर्षापछि सडकमा गग्रान जम्मा भएर सडक अबरुद्ध भएको हो । कालिगण्डकी करिडोर र बागलुङ कुश्मीशेरा सडकको दव्ल्याङमा पहिरो खस्दा दुवै सडक अबरुद्ध छन् ।
