पर्वत, २७ असार । अविरल वर्षापछि बिहीबार बिहान आएको पहिरोले मध्यपहाडी राजमार्गको कुश्मा बागलुङ सडक खण्ड अवरुद्ध भएको छ ।
कुश्मा नगरपालिका–१ सहस्रधारामा विहान २ बजेकाे समयमा ठूलो पहिरो आएपछि सडक अवरुद्ध भएको जिल्ला प्रहरी पर्वत प्रमुख डिएसपी खुमलाल भुसालले जानकारी दिए ।
डिएसपी भुसालका अनुसार पहिरो ठूलो भएकाले पन्छाउन केही समय लाग्ने छ । ‘सडक खुलाउने पहल भइरहेको छ’ उनले भने, ‘तर ठूलो भएकाले तत्काल पहिरो पन्छाउन सकिने अवस्था छैन ।’ पहिरोको लेदोले एउटा रेष्टुरेन्टको कम्पाउन्ड सबै ढाकिएको पनि उनले बताए ।
