पोखरा । पछिल्लो ५ वर्षमा गण्डकी प्रदेशमा बाढीपहिरोलगायत विभिन्न विपद्का घटनामा परी ३ सय २३ जनाले ज्यान गुमाएका छन । यसैगरी ३ सय ८५ जना घाइते भएका छन भने ३० जना बेपत्ता बनेका छन । यो अवधिमा अनुमानित १ अर्ब ८२ करोड ७२ लाख ५९ हजार २ सय मुल्य बराबरको भौतिक क्षति हुन पुगको गण्डकी प्रदेश प्रहरी कार्यालयले जनाएको छ ।
कार्यालयको तथ्यांक अनुसार सबैभन्दा बढी बाढी पहिरोको कारण यो ५ वर्षमा २ सय ४६ जनाले ज्यान गुमाएका छन । आर्थिक वर्ष २०७६/०७७ देखि २०८०/०८१ को अवधिमा भएको मानवीय क्षती हो । उक्त अवधिमा बाढी पहिरोमा परी ३० जना बेपत्ता भएका छन भने २ सय १३ जना घाइते भएका छन । यसैगरी यो ५ वर्षको अवधिमा चट्याङबाट ३९ जनाको मृत्यु भएको छ भने १ सय २५ जना घाइते भएका छन । साथै आगोलागीबाट १९ ले ज्यान गुमाएका छन भने ४३ घाईते भएका छन । हावाहुरीबाट मर्नेको संख्या २ छ भने ४ जना घाइते भएका छन । लेक लागेर १७ को मृत्यु भएको छ ।
तथ्यांक अनुसार आब २०७६/०७७ मा बाढीपहिरोबाट ८५ र चट्याङबाट ९ जना गरी ९४ जनाले ज्यान गुमाए । यसैगरी बाढीपहिरोमा परेर १० बेपत्ता, ७३ घाईते, चट्याङबाट ३९ जना घाइते भए । यो वर्ष ४८ करोड २९ लाख ३१ हजार २ सय बराबरको अनुमानित भौतिक क्षति हुन पुगेको छ । त्यस्तै आव २०७७/०७८ बाढीपहिरोबाट ७९ र चट्याङबाट १० को मृत्यु हुन पुग्यो भने २० जना बाढीपहिरोमा परेर बेपत्ता भए । बाढीपहिरोमा ७१ र चट्याङबाट २३ घाइते हुन पुगे भने ४६ करोड १५ लाख ९३ हजार मुल्य बराबरको भौतिक क्षति भयो । आव २०७८/०७९ बाढी पहिरोबाट २७ र चट्याङबाट १० जनाले ज्यान गुमाए । बाढीपहिरोमा २२ र चट्याङबाट २७ जना घाइते भए । यो वर्ष अनुमानित क्षती १२ करोड ६१ लाख ५८ हजार ५ सय हुन पुगेको गण्डकी प्रदेश प्रहरी कार्यालयका प्रवक्ता एवं सूचना अधिकारी वरिष्ठ प्रहरी उपरीक्षक रबिन्द्र रेग्मीले बताए ।
आव २०७९/०८० मा बाढी पहिरोबाट १३ र चट्याङबाट ६ जनाको मृत्यु भयो भने बाढीपहिरोमा परेर ९ र चट्याङ लागेर १२ जना घाइते भए । अनुमानित ४ करोड ८४ लाख २० हजार ८ सय बराबरको अनुमानित भौतिक क्षति भयो ।
गत आव आव २०८०/०८१ को असार मसान्तसम्ममा बाढीपहिरोबाट ४२ र चट्याङबाट ४ जनाको मृत्यु भएको छ । यो वर्ष आगोलागीबाट १९, लेक लागेर १७ र हावाहुरीका कारण २ जनाको मृत्यु भएको कार्यालयले जनाएको छ । यो वर्षमा बाढीपहिरोमा ३८, चट्याङबाट २४, आगोलागीमा परेर ४३ र हावाहुरीका कारण ४ जना घाइते भएका छन । अनुमानित ७० करोड ८१ लाख ५५ हजार ६७० मुल्य बराबरको क्षति भएको छ । ढोरपाटनबाट
