बागलुङ , १२ भदाै । १७ औँ राष्ट्रिय पुस्तकालय दिवसको अवसरमा विद्यामन्दिर पुस्तकालयले सृजनात्मक लेखन कार्यशाला सुरु गरेको छ । विद्यार्थीहरुमा भएको प्रतिभा उजागर गराउने र सृजनशिल बनाउने उद्धेश्यले विद्यार्थीलाई लक्षित गरि कार्यशाला सुरु गरिएको पुस्तकालयले जनाएको छ ।
बागलुङ नगरपालिका–१ रामरेखामामा रहेको प्रिसियस एकेडेमिमा जिल्लाका विभिन्न विद्यालयमा अध्ययनरत विद्यार्थीहरु सहभागि रहेका छन् । कार्यशाला दुइदिनसम्म सञ्चालन हुनेछ ।
कार्यक्रममा बोल्दै बागलुङ नगरपालिका प्रमुख वसन्त कुमार श्रेष्ठले कार्यक्रमले विद्यार्थीलाई सृजनशिल बनाउन मद्धत पुग्ने बताए । उनले निरन्तरको मेहनत, लगनशिलता र अनुशासनपूर्वक गरिने कार्यले नै मानिसलाई सृजनात्मक बनाउने बताए ।
कार्यक्रममा अन्वेषक प्रेम छोटा, पुस्तकालयका पूर्व अध्यक्ष श्याम श्रेष्ठ, विद्या मन्दिर माध्यामिक विद्यालय व्यवस्थापन समितिका अध्यक्ष बाबुलाल शाक्य, एन प्याब्सन बागलुङका चन्द्र बहादुर क्षेत्रीले शुभकामना मन्तव्य व्यक्त गरेका थिए भने कार्यशालाको सहजिकरण बाल साहित्यकार यशु श्रेष्ठले गरेका छन् ।
पुस्तकालय व्यवस्थापन समितिका अध्यक्ष राम थापा ‘अविरल’को अध्यक्षतामा सम्पन्न कार्यक्रममा स्वागत मन्तव्य उपाध्यक्ष रामचन्द्र पौडेल र सञ्चालन सचिव राजन प्रसाद शर्माले गरेका थिए ।
