बागलुङ ,भदौं २४ । बागलुङमा चाडपर्व लक्षित सवारी साधनमा अनुगमन गरिएको छ । जिल्ला प्रशासन कार्यालय बागलुङका सहायक सहायक प्रमुख जिल्ला अधिकारी चित्राङ्गत बरालको नेतृत्वमा गएको अनुगमन टोलिले ३२ वटा सवारी साधन चेकजाच गर्दा २३ वटा सवारी साधनमा कार्वाहि गरेको हो ।
बागलुङ नगरपालिका ३ रातमाटा , काठेखोला २ भिमपोखराको अक्षेते बजार र बागलुङ नगरपालिका ३ सुल्डाडामा अनुगमन गरिएको थियो । अनुगमन गर्ने क्रममा सवारीचालकहरूले चालक अनुमति पत्र नबोकेको , ब्लुबूक नबोकेको, जाचँपास पत्र नबोकेकाे,सिट क्षमता भन्दा बढि यात्रु बोकेको सवारी साधन कार्वाहिमा परेको यातायात कार्यालय बागलुङका प्रमुख गोमा देबि शर्माले जानकारी दिनुभयो । उहाँका अनुसार २३ वटा सवारी मध्य ४ वटा बाइक ६ वटा अटो रिक्सा र १३ वटा पिकप जीप लाई कार्वाहि गरेको बताउनुभयो ।
यातायात कार्यालय प्रमुख गोमा देवि शर्मा ट्राफिक कार्यालय बागलुङका प्रमुख राष्ट्रिय उपभोक्त मञ्च बागलुङका अध्यक्ष शैलेन्द्र कुमार श्रेष्ठ, नेपाल प्रहरी, सशत्र प्रहरी , पत्रकार लगाएतको सहभागी रहेको थियो ।
