बागलुङ । नेपाल पत्रकार महासंघ बागलुङ शाखाको निर्वाचनमा पत्रकार तारानाथ आचार्य र राम थापा ‘अविरल’ले उम्मेदवारी दिनुभएको छ ।
प्रेस चौतारी र प्रेस युनियनको संयक्त प्यालनबाट आचार्य र प्रेस सेन्टर नेपाल र प्रगतिशील पत्रकार संघको संयुक्त प्यानलका तर्फबाट थापाले बुधवार उम्मेदवारी दर्ता गराउनुभएको हो ।
विगत २० वर्षदेखि पत्रकारिता क्षेत्रमा क्रियाशील आचार्यले पत्रकार महासंघ पर्वत शाखामा सदस्य र बागलुङ शाखामा सहसचिव भएर काम गरेको अनुभव छ । प्रेस चौतारीका केन्द्रीय सदस्य तथा बागलुङ इञ्चार्ज रहनुभएका आचार्य ढोरपाटन दैनिक र राससमा आबद्ध हुनुहुन्छ ।
अध्यक्षका अर्का प्रत्यासी थापाले विगत २० वर्षदेखि पत्रकारिता क्षेत्रमा क्रियाशील थापाले यसअघि दुईपटकसम्म महासंघ बागलुङ शाखाको पदाधिकारी र सदस्यमा रही कार्य गर्नुभएको थियो । प्रेस सेन्टर नेपाल गण्डकी प्रदेशको उपाध्यक्षसमेत रहनुभएका थापा हाल रासस मा आबद्ध हुनुहुन्छ ।
थापाले यसअघि बागलुङ एफएम, सन्तुलित साप्ताहिक, नयाँ विश्व अनलाइनलगायतका सञ्चारमाध्यममा काम गर्नुभएको थियो ।
