बागलुङ । नेकपा एकीकृत समाजबादीका स्थायी कमिटि सदस्य तथा गण्डकी प्रदेशका अध्यक्ष रामजीप्रसाद शर्माको निधनमा पूर्व प्रधानमन्त्री तथा नेकपा एसका केन्द्रीय अध्यक्ष माधवकुमार नेपालले समवेदना व्यक्त गरेका छन् ।
शर्माको निधन भएको खवरपछि बिहिवार बागलुङ आएका नेपालले निरयघाटमा पुगेर शर्माको पार्थिव शरिमा पार्टीको झण्डा ओडाएर श्रद्दाञ्जली व्यक्त गरे ।
नेपालले शर्माको निधनले पार्टीमा इमान्दार नेता गुमाउनु परेको बताए । साथै जिल्लाले बिकासप्रेमी नेता गुमाएको भन्दै शर्माको निधनले अपुरणीय क्षति भएको समेत बताए । उपचारको क्रममा केही समयदेखि शर्मा भारतमा थिए ।
मृगौला प्रत्यारोपण गर्ने क्रममा उनलाई ह्दयघात भएको शर्माकी पत्नि सीताले जानकारी दिइन् ।
प्रत्यारोपण सकेपछि अचानक हट अट्याक्ट भएपछि शर्माको उपचारको क्रममा निधन भएको थियो । बिहिबार शर्माको बागलुङ नगरपालिका १ स्थित निरयघाटमा दाहसंस्कार गरिएको छ । पूर्व प्रधानमन्त्री तथा नेकपा एसका केन्द्रीय अध्यक्ष माधवकुमार नेपालले शर्माको दाहसंस्कारमा आएर अन्तिम श्रद्दाञ्जली दिए । छोरा शिसिरले शर्मालाइ दागबत्ती दिएका थिए । निरयघाटमा आयोजित श्रद्दाञ्जली सभामा नेकपा एसका केन्द्रीय सचिव श्रीनाथ बराल, केन्द्रीय सदस्यहरु, गण्डकी प्रदेशका स्वास्थ्य मन्त्री कृष्ण पाठक र सदस्यहरु दिपेन्द्रबहादुर थापा, गोबिन्द नेपाली सहित अन्य जनप्रतिनिधि र नेता कार्यकर्ता समेतको बाक्लो उपस्थिति थियो ।
बागलुङको साबिक मालिका गाविस स्थायी ठेगाना भइ हाल बागलुङ नगरपालिका वडा नंं ५ घर भएका शर्मा जिल्लाको बिकास निर्माणमा अत्यत्न सक्रिय र सकारात्मक थिए । उनले जिल्लाको बिकासको विभिन्न खाका समेत बनाएर डायरीमा राख्ने र बिकासे अड्डा देखि मन्त्रालय सम्म ती योजनालाई जोड्ने प्रयास गर्थे । सरल स्वभावका शर्माले जिल्लाको बिकासमा महत्वपूर्ण भूमिका खेलेको भन्दै बिपक्षी दलका नेताहरुपनि शर्माको प्रसंसा गर्थे । २०५४ र पहिलो संविधानसभामा बागलुङ क्षेत्र नंं १ बाट एमालेबाट बिजयी शर्मा उर्जा राज्य मन्त्री समेत भएका थिए । २०७७ सालपछि उनी नेकपा एसमा आबद्द थिए । शर्माका दुइ छोरा, एक छोरी र एक पत्नि छन् ।
