बागलुङ नगरपालिका–१ को बाङ्गेचौर खेलमैदानमा हुने प्रतियोगितामा आयोजक बागलुङ नगरपालिकाका दुई टिम सहित बागलुङका गलकोट नगरपालिका र जैमिनी नगरपालिका, म्याग्दीको बेनी नगरपालिका र उदयपुरको कटारी नगरपालिकाले सहभागिता जनाएका छन् । यस्तै पर्वतको जलजला गाउँपालिका र पैयुँ गाउँपालिका, विभागिय टिम गण्डकी प्रदेश प्रहरी पोखरा र कालिजंग गण, घोषडाबाँधे सहभागी हुने प्रतियोगिताका संयोजक सुदिप गौतमले जानकारी दिनुभयो । प्रतियोगिता नकआउटका आधारमा खेलाइने उहाँको भनाई छ ।
प्रतियोगिताका संयोजक गौतमले प्रतियोगिताको ९० प्रतिशत तयारी पुरा भएको बताउनुभयो ।
प्रतियोगिताको विजेताले ३ लाख ३३ हजार ३ सय ३३ रुपियाँ र उपविजेताले २ लाख २२ हजार २ सय २२ रुपियाँ प्राप्त गर्ने छन् । यस्तै विधागत तर्फ सर्वोत्कृष्ट खेलाडी, सर्वाधिक गोलकर्ता, सर्वोत्कृष्ट गोलरक्षक र सर्वोत्कृष्ट प्रशिक्षकले १०–१० हजार रुपियाँ प्राप्त गर्नेछन भने प्रत्येक खेलको म्यान अफ द म्याच हुने खेलाडीले दुई हजार रुपियाँ प्राप्त गर्ने छन् । प्रतियोगितामा २० लाख खर्च हुने बागलुङ नगरपालिकाका नगरप्रमुख बसन्तकुमार श्रेष्ठले बताउनुभयो ।
बागलुङ नगरपालिकाले २०७४ सालमा पहिलो र २०७६ सालमा दोस्रो मेयर कप फुटबल प्रतियोगिता संचालन गरेको थियो । तर, यस पटक तेस्रो मेयर कप फुटबल प्रतियोगिता हुनुपर्नेमा मेयर कप मात्र राखिको छ । पत्रकार सम्मेलनमा प्रश्न उठेपछि नगरप्रमुख श्रेष्ठले नगरपालिकाले २०७४ साल अगाडीका जनप्रतिनिधिहरुले मेयर कप गरे नगरेको खोजी गर्ने कार्य भइरहेकोले मेयर कप मात्र लेखिएको बताउनुभयो । उहाँले पूर्वजनप्रतिनिधिहरुले आयोजना गरेको प्रतियोगिताको खोजी गरी कति औं हुन्छ सोही अनुसार राखिने बताउनुभयो ।
प्रतियोगितामा सहभागी टिमले दुई जना विदेशि खेलाडी राख्न पाउने नगरप्रमुख श्रेष्ठले बताउनुभयो । उहाँले जिल्लाका खेलाडीहरुले खेल प्रस्फुटन गर्न प्रतियोगिताले सहयोग पु¥याउने बताउनुभयो । “जिल्लाका खेलाडीहरुले राष्ट्रियस्तरका खेलाडीसँग प्रतिस्पर्धा गरेपछि आफु भित्र रहेको प्रतिभा प्रस्फुटन गर्न सहयोग पुग्छ,” उहाँले भन्नुभयो,“प्रतियोगिताले जिल्लाका खेलाडीहरुलाई राष्ट्रिय स्तरसम्म पु¥याउन सहयोग पुग्ने अपेक्षा लिएका छौं ।”
बागलुङ नगरपालिका नगर खेलकुद विकास समितिका अध्यक्ष सुरज बोसेलले मेयर कप सम्पूर्ण बागलुङबासीको भएकाले सवैले जिम्मेबारीपूर्व सफल बनाउन अनुरोध गर्नुभयो ।
मंसिर १४ देखि १८ गते सम्म सञ्चालन हुने आयोजकले जनाएको छ ।
