बागलुङ, पौष १४ । श्रम शिक्षा सम्बन्धी अभिमुखीकरण कार्यक्रम सम्पन्न भएको छ ।श्रम तथा रोजगार कार्यालय पोखराको आयोजना र बागलुङ उद्योग वाणिज्य संघको समन्वयमा श्रमिक शिक्षा सम्बन्धी अभिमुखकरण कार्यक्रम सम्पन्न भएको हो ।
कार्यक्रममा बोल्दै गण्डकी प्रदेश सभा सदस्य डिल्लिराम सुवेदीले देशको आर्थिक सुधारको लागि औद्योगिक क्षेत्रको नीतिगन सुधारको आवश्यकता रहेको बनाउनु भएको छ । अर्थतन्त्र सुधारको लागि नीतिमा व्यापक सुधारको प्रतिक्षा भैरहेको भन्दै नीतिगत सुधारले मात्रै नेपालको नीजि क्षेत्रकोले फड्को मार्ने धारणा राख्नु भयो । नेपाली रोजगारीको लागि विदेश पलायन भैरहेको र श्रमको क्षेत्रमा खोजेको श्रमिक नपाउने समस्या रहेको बनाउनु भयो । नेपालमा भारतीय कामदार ल्याउन पर्ने अवस्था विद्यमान रहेको, नेपाली रोजगरीको खोजीमा वाहिर जाने गरेको तर नेपालबाट भारतले ठूलो मात्रामा रेमिट्यान्स भित्राउने गरेको बनाउनु भयो
कार्यक्रममा श्रम तथा रोजगार कार्यालय पोखराका इन्जिनियर इश्वरमणी भण्डारीले श्रमिक शिक्षा र कानूनी व्यवस्था वारे जानकारी, कार्यालय प्रमुख वरिष्ठ श्रम अधिकृत सुरेश ढकालले श्रम अडिट सम्बन्धी विद्यमान कानूनी प्रावधान, आवश्यकता, महत्व सम्बन्धी जानकारी र बाल समन्वय अधिकृत बद्रीप्रसाद वाग्लेले बाल अधिकार र बालश्रम सम्बन्धि कानूनी व्यवस्था वारे जानकारी दिनु भएको थियो ।
बागलुङ उद्योग वाणिज्य संघ बागलुङका अध्यक्ष नरेश कँडेलको अध्यक्षतामा सम्पन्न कार्यक्रममा स्वागत तथा कार्यक्रमबारे जानकारी श्रम तथा रोजगार कार्यालयका नायब सुब्बा जिवाखर शर्मा दिनु भएको थियो । कार्यक्रम बागलुङ उद्योग वाणिज्य संघका वरिष्ठ उपाध्यक्ष राजन कुमार शाक्यको धन्यवाद मन्तव्य र महासचिवऋषिराम गौतमको संचालनमा सम्पन्न भएको थियो । कार्यक्रममा संघमा आबद्ध उद्योगि व्यवसायीहरुको सहभागिता रहेको थियो ।
