बागलुङ फागुन ,१० ।बागलुङ नगरपालिका–७ कालिमाटीमा पहरा खोपेर मौदगल्य ऋषिको मुर्ति निर्माण गरिएको छ । निउरे मौदगल्य प्रतिष्ठान बागलुङको पहलमा करिव १५ लाख खर्चेर मुर्ति निर्माण गरिएको हो ।
नवनिर्मित मौदगल्य ऋषिको मुर्तिको आइतवार विधिवत रूपमा प्राण प्रतिष्ठा गरिएको छ।
कालिमाटीको एक विशाल पहरालाई खोपेर विशिष्ट र कलात्मक रुपमा मुर्ति बनाउन स्थानियले आर्थिक सहयोग गरेका थिए ।
प्रतिष्ठानको ८ औ वािर्षक साधारण तथा तेश्रो अधिवेशनको अवसरमा निउरे वन्दुहरुको उपस्थितिमा ब्राह्मणहरूद्वारा वैदिक विधिअनुसमार ऋषिको मूर्तिमा प्राण प्रतिष्ठा गरिएको हो। यस अवसरमा विशेष पूजा, अर्चना, अखण्ड दिप प्रज्वलन र भजनकीर्तन समेत आयोजना गरिएको थियो।
साधारण सभाको अवसरमा वोल्दै स्वामी ऋषि प्रपन्नाचार्यले निउरे वन्दुहरुले निर्माण गरेको विशिष्ट र कलात्मक रुपमा मुर्तिले यस क्षेत्रको धार्मिक र ऐतिहासिक महत्त्व झल्काउनुका साथै यस क्षेत्रको पहिचान बढाउन मद्दत पुग्ने बताउनु भयो । कार्यक्रममा पण्डित कृष्ण प्रसाद निउरे, निउरे मौदगल्य प्रतिष्ठान बागलुङका सस्थापक सचिव तेज प्रसाद निउरे लगाएतले मन्तव्य व्यक्त गर्नु भएको थियो । कार्यक्रम प्रतिष्ठानका अध्यक्ष जिवराम निउरेको अध्यक्षता र सचिव वैकुण्ठ निउरेको संचालनमा सम्पन्न भएको थियो ।
कार्यक्रममा मौदगल्य ऋषिको मुर्तिकका साथै अन्य भौतिक संरचना निर्माण गर्न सहयोग गर्ने सहयोगदातालाई सम्मान गरिएको थियो । निउरेहरुको उद्गम थलोको रुपमा देश विदेशमा पहिचान गराउने उदेश्यले मौदगल्य ऋषिको मुर्ति स्थापन गरिएको प्रतिष्ठानका सस्थापक सचिव तेज प्रसाद निउरेले बताउनुभयो । प्रतिष्ठानको तेस्रो अधिवेशनले नयाँ कार्यसमिति चयन गरेको छ ।
