बागलुङ, १९ जेठ । बागलुङको जैमिनी नगरपालिका–१० राङ्खानीको हाँडीकोटमा हिजो भएको हत्यामा संलग्न भएको आरोपमा तीन जना पक्राउ परेका छन् ।
राङ्खानीमा पदमार्ग निर्माणमा खटिएका समयमा श्रीमानको हत्या गरेको आशंकामा श्रीमती सहित तीन जना पक्राउ परेका जिल्ला प्रहरी कार्यालय बागलुङका प्रहरी उपरिक्षक फरिण्द्र प्रसाईले जानकारी दिनुभयो ।
हिनो हाँडीकोटमा रहेको भ्यूटावर पुग्ने पदमार्ग बनाउन खटिएका लमजुङका ६२ बर्षीय देउ कुमार सार्की सोमबार मृत अवस्थामा फेला परेका थिए ।
मृतकको शरिरमा चोट लागेको र घटना संकास्पद देखिएपछि जिल्ला प्रहरी कार्यालय बागलुङका प्रमुख फरिन्द्र प्रसाई घटनास्थलमा पुगेर थप अनुसन्धान गर्दा श्रीमती र अन्य काममा खटिएका दुई मजदुरको संलग्नतामा हत्या भएको हुनसक्ने भन्दै प्रहरीले उनीहरु पक्राउ गरी अनुसन्धान गरिरहेको छ ।
अनुसन्धानका लागि प्रहरी प्रमुख प्रसाईनै घटनास्थलमा पुग्दा संगै काम गर्न आएका मजदुर साथीहरूसंग श्रीमती मिलेर ढुङ्गाले हानेर हत्या गरेको आरोपमा श्रीमती सहित तीन जना पक्राउ परेको आज आयोजित पत्रकार सम्मेलनमा प्रहरी प्रमुख प्रसाईले जानकारी दिनुभयो ।
हत्यामा संलग्न भएको आरोपमा राम आकाश बिक, आस्बुरे कामी, सार्कीको श्रीमती लक्ष्मी नेपाली पक्राउ गरी अनुसन्धान थालिएको प्रहरी प्रमुख प्रहरी उपरिक्षक प्रसाईले जानकारी दिनुभयो ।
