बागलुङ, २४ असार । साविकको धौलागिरी अञ्चलमा कानुन विषय पढाउदै आइरहेको शैक्षिक क्षेत्रमा निरन्तर सफलता प्राप्त गर्दै आएको बागलुङ बजार स्थित आदर्श विद्यामन्दिर माध्यमिक विद्यालयले विगत ७ वर्ष देखि कानुन विषयको अध्यापन गराउँदै आइरहेको छ । पछिल्लो समयमा न्याय क्षेत्रमा राम्रो भविष्य देखे पछि कानुन पढ्ने विद्यार्थीको सङ्ख्या बढेको छ ।
कानुन पढे पछि वकिल, न्याय क्षेत्र तथा आफ्नै कानुन परामर्श केन्द्र खोलेर तथा कक्षा १२ पछि अन्तरराष्ट्रिय कानुन पढ्न विदेश पनि सजिलै विदेश जान सकिने र राम्रो कमाइ गर्ने सकिने भएकाले विद्यार्थीहरू कानुन विषय पढ्न इच्छुक देखिएको विद्यालयले जनाएको छ ।
गत वर्ष १७ जना विद्यार्थीले अध्ययन गरेका थिए अहिले हामीहरूले गत वर्षभन्दा तीन गुणाले वृद्धि गर्ने लक्ष्य राखेको प्रधानाध्यापक भुपेन्द्र केसीले बताउनुभयाे । याे वर्षमा हामीले छात्रछात्रा गरी ६३ जना विद्यार्थीलाई समावेश गराइने प्रधानाध्यापक केसीको भनाई छ। कानून विषय पढेर विदेश जान नपाउने जस्ता भ्रममा नपर्न विद्यार्थी लाई प्रधानाध्यापक केसीले आग्रह गर्नुभएको छ । उक्त विद्यालयमा कानून विषयलाई लिएर कानूनविदहरुले अध्यापन गराइने प्रधानाध्यापक केसीले जानकारी दिनुभयो ।
यस विद्यालयबाट कक्षा १२ पढेपछि केही विद्यार्थी ब्याचलर लेभलको ईन्टरनेस्नल कानुन पढ्न विदेश गएका छ्न भने कोही नेपालमा नै कानून विषयको स्नातक तह पढिरहेका छन् भने केही सरकारी क्षेत्र मा पनि पेशा गरिरहेका छन् ।
