बागलुङ , २८ चैत्र । प्रबुद्ध युवा समुह बागलुङको अध्यक्षमा रोहित सुनार चयन भएका छन् ।
समुहको शनिबार सम्पन्न दोस्रो अधिवेशन तथा चौथो साधारण सभाले अध्यक्षमा सुनारलाई चयन गरेको हो । यो उनको दोस्रो कार्यकाल हो ।
समुहको उपाध्यक्षमा रेजिना खत्री, सचिवमा अन्जान बोसेल, कोषाध्यक्ष वर्षा प्रधान, सह–सचिवमा जान्वी नायर चुनिएका छन् ।
सदस्यहरुमा सक्षम श्रेष्ठ, सागर बि.क, रोहन सुनार, मनिषा पौडेल, रेजिना सुनार चयन भएका छन ।
संरक्षकहरुमा विजय राना, रोमन घमाल, राजेश बोहरा चुनिएका छन् भने सल्लाहकारमा दिलिप प्रतेल, बिशेष पराजुली, सुमन बोहरा, जेनिशा नायर चुनिएका हुन् । कार्यक्रममा कोषाध्यक्ष रेजिना खत्रीले आर्थिक प्रतिवेदन र उपाध्यक्ष अन्जान बसेलले प्रगति प्रतिवेदन प्रस्तुत गरेका थिए ।
कार्यक्रममा बोल्दै वरिष्ठ सल्लाहकार राजेश बोहोराले समुहले समाज राम्रो काम गर्दै आएको बताए ।उनले समुहले सांस्कृतिक, सांगीतिक लगायतका रचनात्मक कार्य गरेकोमा प्रशंसा गरे ।
समुहका अध्यक्ष रोहित सुनारको अध्यक्षतामा सम्पन्न कार्यक्रममा स्वागत मन्तव्य उपाध्यक्ष अन्जान बोसेल र सञ्चालन सल्लाहकार दिलिप प्रतेलले गरेका थिए ।
