बागलुङ २१ कात्तिक । रुकुम देखि काठमाडौँ जादैँ गरेको बस बागलुङमा दुर्घटना भएको छ ।ना ८ ख ८४१४ नम्बरको बस बागलुङको निसीखोला ६ जाहुलेपानीमा दुर्घटना भएको जिल्ला प्रहरी कार्यालय बागलुङले जनाएको छ ।
बसमा अन्दाजी ४० जना यात्रु छन् । बसको ब्रेक फेल भएर १०० मिटर पछाडि बगेर बस पल्टेको बताइएको छ । जिल्ला प्रहरी कार्यालय बागलुङका प्रहरी नायव उपरीक्षक विजय यादवका अनुसार यात्रु मध्ये २१ जना सामान्य घाइते भएको र थप विवरण आउन बाँकी रहेको बताए ।
