६ पाैष पर्वत। पर्वतको जलजला गाउँपालिका ८ नाग्लिवाङमा नाग्लिवाङ सेवा समाज काठमाडौँले आयोजन गरेको निःशुल्क स्वास्थ्य शिविर वाट ४०० जना बिरामी लाभान्वित भएका छन् । समाजको आयोजना र वडा नम्बर ८ नाग्लिवाङमा रहेको स्वास्थ्य चौकिकाे संयोजन र रिजनल अस्पताल प्रा.लि पाेखरमाको प्राविधिक सहयोगमा उक्त शिविर सञ्चालन भएको हो ।
समाजका संस्थापक अध्यक्ष गजेन्द्र केसीले नाग्लिवाङ बाट काठमाडौँ गएर बसेका बासिन्दाले स्थापना गरेको सुनाए । उनले यस संस्थाले विगत ७ वर्षदेखि विभिन्न व्यक्तिलाई सहयोग गरेको बताए
उक्त स्वास्थ्य शिविरमा निःशुल्क मुटु रोग , महिला तथा प्रशुति रोग, रगत जाँचसँगै निःशुल्क औषधि वितरण गरिएको हो ।
शिविरका लागि नाग्लिवाङबाट अमेरिका गएका नागरिकबाट सहयोग भएको हुनाले यो शिविर गर्न सजिलो भएको अध्यक्ष भोज बहादुर केसी बताए ।
वडा नम्बर ८ नाग्लिवाङका वडाअध्यक्ष हरि विकास जिसीले यस्ता कार्यक्रम गर्दा वडामा रहेका नागरिकलाई सहयोग हुने बताए । उनले स्वास्थ्य सम्बन्धी कार्यक्रम गाउँपालिका र वडाले पनि गरेको बताउँदै नाग्लिवाङ सेवा समाजलाई धन्यवाद ज्ञापन गरे ।
उक्त शिविर जलजला गाउँपालिका ८ नाग्लिवाङमा रहेको श्री जनकल्याण माध्यामिक विद्यालयमा सञ्चालन गरिएको थियो भने शिविरमा वडामा रहेका विभिन्न सघं संस्था र क्लबले सहयोग सहयोग गरेका थिए ।
