बागलुङ १५ चैत । नेपाल पत्रकार महासंघको ७० औ स्थापना दिवसको अवसरमा बागलुङका पत्रकारको स्वास्थ्य परिक्षण गरिएको छ ।
नेपाल पत्रकार महासंघ बागलुङको आयोजना र प्रादेशिक जनस्वास्थ्य कार्यालय बागलुङ, बागलुङ नगर स्वास्थ्य शाखा र युआरएल धौलागिरीकोको प्राविधिक सहयोगमा स्वास्थ्य परिक्षण गरिएको नेपाल पत्रकार महासंघका बागलुङका अध्यक्ष राम थापा अविरलले जानकारी दिनुभयो । शुक्रबार दिउँसो जिल्लामा रहेका ५५ जना क्रियाशील पत्रकारको निःशुल्क स्वास्थ्य परीक्षण गरिएको उहाँको भनाइ छ ।
पाठेघरको मुखको स्क्रिनिङ, मिर्गौला, मधुमेह, युरिक यसिड, कोलेस्ट्रोल बिएमआई (बडी मास इन्डेक्स)उच्च रक्तचापको स्वास्थ्य परिक्षण गरिएको हो ।भोलि चैत १६ गते बिहान प्रभातफेरि चियापान कार्यक्रम र पुरस्कार वितरण कार्यक्रम आयोजना गरिएको अध्यक्ष थापाले जानकारी दिनुभयो ।
