बागलुङ, असार २७ । बागलुङको काठेखोला गाउँपालिको चालु आर्थिक वर्ष २०८१–०८२ मा ९१ प्रतिशत बढी बजेट खर्च गरेको छ ।
गाउँपालिकाले चालु आवका लागि स्वीकृत बजेट तथा कार्यक्रम सञ्चालन अन्तर्गत चालु र पुँजीगत दुबैमा गरी कुल ९१ दशमलव १८ प्रतिशत बजेट खर्च गरेको हो । गाउँपालिकाका प्रमुख प्रशासकीय अधिकृत चूर्णबहादुर कार्कीले विनियोजित ५८ करोड ७७ लाख २३ हजार रुपियाँ स्वीकृत बजेटमा ५३ करोड ५९ लाख २२ हजार आठ सय ७५ रुपियाँ ३० पैसा खर्च भएको बताउनुभयो ।
प्रमुख प्रशासकीय अधिकृत कार्कीले चालुतर्फ ९१ दशमलव ३९ प्रतिशत र पूँजीगततर्फ ९० दशमलव ७३ प्रतिशत बजेट खर्च भएको बताउनुभयो । उहाँले ४० करोड ६६ लाख रुपियाँ चालु बजेटमा ३७ करोड १५ लाख ९८ हजार एक सय ९८ रुपियाँ ३० पैसा र पुँजीगततर्फ १८ करोड ११ लाख २३ हजार रुपियाँ बजेटमा १६ करोड ४३ लाख २४ हजार छ सय ७७ रुपियाँ खर्च भएको बताउनुभयो ।
बजेट कार्यान्वयनका लागि जनप्रतिनिधि, गाउँपालिकामा कार्यरत कर्मचारी, टोल विकास संस्था, निर्माण व्यवसायी, राजनीतिक दल लगायतको सक्रिय भूमिकाबाट उक्त परिमाणमा खर्च गर्न गाउँपालिका सफल भएको प्रमुख प्रशासकीय अधिकृत कार्कीको भनाइ छ ।
