बागलुङ , ४ भदौ । बागलुङ प्रबुद्ध युवा समुहले आयोजना गरेको प्रथम अन्तर विद्यालय तीज गीत प्रतियोगिता २०८२को उपाधि प्रिसियस एकेडमीले हात पारेको छ । सहभागी रहेका १५ वटा विद्यालयलाइ उछिनेर उक्त विद्यालय प्रथम भएको हो ।
प्रतियोगिताको अमर आदर्श बोडिङ स्कूल दोश्रो र माउन्ट एभरेस्ट एकेडमी तेश्रो भएका थिएभने प्रथम हुनेलाई ४१ हजार हजार १ सय ११ रुपियाँ द्वितीय हुनेलाई १७ हजार ७ सय ७७ रुपियाँ र तृतीय हुनेलाई ११ हजार १ सय ११ रुपियाँ सहित प्रमाणपत्र प्रदान गरिएको हो ।
कार्यक्रमको उद्घाटन जैमिनी नगरपालिकाका नगर उपप्रमुख हरिहर शर्माले गरेका थिए । उनले उद्घाटन पछि बोल्दै पहिचान चिनाउनमा प्रतियोगिताले सहयोग पुग्ने बताउँदै नयाँ पुस्ताले यस्ता कार्य गर्दा आफुले सहयोग गर्ने बताए । देश बनाउन सबैले सहयोग आवश्यक रहेको बताउँदै उनले विदेशमा भएको अनुभबलाई देशमा प्रयोग गर्नुपर्ने भन्दै प्रतिभालाई उजागर गर्नुनै ठुलो महत्व रहेको बताए ।
कार्यक्रममा नेपाल विद्यार्थी संघ बागलुङका निवर्तमान अध्यक्ष विषेश पराजुली ,स्वतन्त्र विद्यार्थी युनियन धौलागिरि बहुमुखी क्याम्पसका अध्यक्ष आस्मिन शेख लगाएतले शुभकामना मन्तव्य राखेका थिए ।कार्यक्रम प्रायोजक र सहयोगीलाइ सम्मान गरिएको थियो ।
प्रबुद्ध युवा समुहका अध्यक्ष रोहित सुनारको अध्यक्षता सदस्य जानबि नायरको स्वागत मन्तव्य र सचिव सागर क खत्रीको सञ्चालन सम्पन्न भएको थियो ।,
