बागलुङ, ११ जेठ । सरकारको विभेदकारी निर्णयविरुद्ध नेपाल पत्रकार महासंघ बागलुङको हस्ताक्षर अभियान सुरु गरेको छ
नेपाल पत्रकार महासंघ बागलुङले निजी सञ्चारमाध्यममा सरकारी विज्ञापन रोक लगाउने सरकारको निर्णयविरुद्ध हस्ताक्षर अभियान सुरु गरेको हो । महासंघको केन्द्रीय समितिको आव्हानमा सुरु भएको देशव्यापी आन्दोलनअन्तर्गत जिल्ला शाखा बागलुङले पनि हस्ताक्षर संकलन अभियान सुरु गरेको महासंघका अध्यक्ष राम थापाले जानकारी दिए ।
सरकारी विज्ञापनमा सबै सञ्चारमाध्यमको समान अधिकार सुनिश्चित गर्दै सरकारी सञ्चारमाध्यमलाई मात्र सरकारी विज्ञापन दिने निर्णय फिर्ता लिन शाखाले माग गरेको छ । प्रेस तथा अभिव्यक्ति स्वतन्त्रताविरोधी अभ्यास, सूचना पहुँचमा नियन्त्रण तथा सरकारी खर्च कटौतीको बहानामा सबै तहको सरकारी विज्ञापन राज्य नियन्त्रित सञ्चारमाध्यमलाई मात्र दिने विभेदकारी निर्णय विरुद्ध महासंघ आन्दोलित भएको छ ।
यही जेठ १३ गतेसम्म हस्ताक्षर अभियान जारी रहने महासंघका अध्यक्ष थापाले बताए ।
