बागलुङ , ११ फागुन ।बागलुङमा ५९ वटा दर्ता भएका इजानत पाप्त हातहतियार जिल्ला प्रहरी कार्यालय बागलुङमा बुझाएका छन् ।
जिल्ला प्रहरी कार्यालय बागलुङका प्रमुख प्रहरी उपरिक्षक तिलक भारतीले ५९ जनाले दर्ता भइ इजाजत प्राप्त भएका हातहतियार बुझाएको बताउनुभयो ।
आगामी फागुन २१ गते हुने प्रतिनिधि सभा सदस्य निर्वाचनलाई स्वच्छ , मर्यादित, भयरहितरुपमा सम्पन्न गर्नका लागि हातहतियार बुझाउन जिल्ला प्रशाशन कार्यालय बागलुङ सुचना निकालेको थियो ।
जिल्ला प्रशाशन कार्यालय बागलुङका नायब सुब्बा रामप्रसाद उपाध्यायले १४२ वटा इजाजत प्राप्त हातहतियार भएको बताउनुभयो । जिल्ला प्रशाशन कार्यालय बागलुङमा दर्ता भएका दर्ता भएका हातहतियार अन्य जिल्लामा पनि गएको हुन सक्ने भन्दैे दुरुप्रयोग नहुँन दिनका लागि सचेत गराएको नासु उपाध्यायले बताउनुभयो ।
जिल्ला प्रशाशन कार्यालयले बागलुङले गत माघ ८ गते माघ २० गते सम्म हातहतियार बुझाउन भन्दै सुचना निकालेको थियो ।
जिल्ला प्रहरी कार्यालय बागलुङले विभिन्न ठाँउ बाट १२४ वटा अवैद हातहतियार बरामद गरेको हो।
