बागलुङ, पुस १० । मध्यपहाडी क्षेत्रमापर्ने बागलुङ नगरलाई फलफुल उत्पादनको पकेट क्षेत्र बनाउँने अभियान थालिएको छ । फलफुल खेतीका लागि उपयुक्त वातावरण र बजारको अवस्था राम्रो भएकाले बागलुङ नगरपालिकाले व्यवसायीक फलफुल खेतीलाई विस्तार गर्दै फलफुलको पकेट क्षेत्र बनाउँने अभियान सुरु गरेको हो ।
नगरपालिकाले बागलुङ नगरपालिकाका १४ वटै वडाहरुमा व्यवसायीक रुपमा फलफुल खेतीको विस्तारका लागि बजेटको व्यवस्था गरी अगाडि बढेको बागलुङ नगरपालिकाका नगरप्रमुख जनकराज पौडेलले जानकारी दिनुभयो । बागलुङ नगरपालिकाका वडा नं. एक, दुई, तीन र चारका केही भाग बागलुङ बजार क्षेत्रले आगटेका कारण कृषियोग्य जमिन नभएपनि अन्य वडाहरुमा व्यवसायीक फलफुल खेतीका लागि अभियान सुरु गरिएको नगरपालिकाले जनाएको छ ।
बागलुङ नगरका धेरै ठाउँमा फलफुल उत्पादनका लागि उपयुक्त जमिन भएको पाइएकाले फलफुल खेती प्रवद्र्धन तथा विकास कार्यक्रमलाई प्राथमिकतामा राखिएको प्रमुख प्रसाशकीय अधिकृत भिमबहादुर कुँवरले बताउनुभयो । नगरका तल्लो भेगमा पर्ने मेवा, लिची, मध्य भागमा सुन्तला, जुनार तथा उच्च भागमा किवी लगायतका खेती राम्रो भइरहेकाले उनीहरुलाई प्रोत्साहन गर्नक लागि कार्यक्रम ल्याइएको कुँवरले बताउनुभयो । चालु आर्थिक वर्षमा बागलुङ नगरपालिकाले दस लाख रुपियाँ बजेट विनियोजन गरेर कार्यक्रम अगाडि बढाइएको छ । ‘हामीले नगरलाई कसरी आत्मनिर्भर बनाउँने भन्ने सोंच अनुसार उत्पादन बढाउँने गरी काम सुरु गरेका छौं, यसले सरकारले ल्याएको आर्थिक समृद्धिको अभियानलाई थप मद्धत पु¥याउँनेछ ।’ कुँवरले भन्नुभयो ।
बागबानी विकास कार्यक्रमअन्र्तगत सुन्तला, कागती, आँप, लिची र मेवाका बिरुवा ५० प्रतिशत अनुदानमा उपलव्ध गराउनका लागि थप आठ लाख रुपैयाँ बजेट छ । कार्यक्रममा किसानलाई सहभागी बनाउनका लागि नगरपालिकाको आर्थिक विकास समितिले योजना बनाउने छ । समितिले बनाएको योजनाका आधारमा समूह वा व्यक्तिलाई अनुदान उपलव्ध गराउने भन्ने बिषयमा निर्णय गरिने नगरपालिकाले जनाएको छ । फलफुल खेतीका लागि आवश्यक जैविक मलको लागि समेत नगरपालिकाले सघाउने योजना बनाएको छ । जैविक मलको उत्पादन, सिप विकास र प्रबद्र्वनका लागि छ लाख रुपैयाँ बजेटको व्यवस्था गरिएको छ । कृषि तथा बागबानी विकास कार्यक्रममा ५५ लाख ५० हजार रुपैयाँ खर्च गर्न थालेको नगरपालिकाले झण्डै २४ लाख रुपैयाँ फलफुल खेतीमा खर्चने छ ।
