बागलुङ, ४ माघ । बागलुङमा नगरपालिका १० भकुण्डेमा रहेको महिला समुहलाई बाख्रा उपहार गरिएको छ ।
भकुण्डेमा रहेको शिवालय स्वभालम्भी महिला समुहलाई बागलुङ नगरपालिका आर्थिक सहयोगमा बाख्रा उपहार गरिएको हो ।
हेफर बागलुङ र गाजा डेभलपमेण्ट फाउण्डेसन बागलुङकाे प्राविधिक सहयोगमा उपहार प्रदान कार्यक्रम अन्तरगत २१ वटा बाख्रा प्रदान गरिएको हो ।
कार्यकमको उद्धाटन पछि बोल्दै बागलुङ नगरपालिकाका नगर उपप्रमुख राजु खड्काले जनताका काम गर्नका लागि आत्मनिर्भर काम गरेको बताउनुभयो । उहाँले जनताका लागि विभिन्न तालिमहरु आगामी दिनमा ल्याउने बताउनुभयो । त्यहाँ रहेका जनतालाई आर्थिक बिकास र उत्पादनमा जोडिन आग्रह गर्नुभयो । बिकासमा जन सहभागिता आवश्यक रहेको बताउँदै जनसहभागी रहेमा बिकास हुने उहाँको भनाई छ ।
बागलुङ नगरपालिकाका पसु शाखाका प्रमुख मित्रलाल सापकोटा, गाजा डेभलपमेण्ट फाउण्डेसन बागलुङका अध्यक्ष याम प्रसाद कडेँल , वडा अध्यक्ष तिल बहादुर थापाले लगाएतले मन्तव्य राख्नुभएको थियो । उहाँहरुले आय आर्जनमा टेवा र गाउँमा नै रोजगार समेत उत्पन्न हुने र आम्दानि पनि हुने उहाँहरुले बताउनुभयो । मेहेनत गरे प्रतिफल पनि राम्रो हुने उहाँहरुको भनाई थियो ।
बागलुङ नगरपालिकाले आर्थिक वर्ष २०८२÷८३मा वडा नम्बर ५ देखि १४ नम्बर वडालाई समेटेको छन भने क्रमस १ नम्बर वडा देखि ४ नम्बर वडालाई समेटिने उपप्रमुख खड्काले जानकारी दिनुभयो ।
समुहकी अध्यक्ष कलावती बिकको अध्यक्षता समूहकि सदस्य देउकली थापाको स्वागत र सचिव अमृता थापा सञ्चालनमा सम्पन्न भएको थियो ।
आत्मनिर्भर बागलुङ कार्यक्रमका लागि गत वर्ष १ करोड रकम छुटिएको थियो भने यो आर्थिक वर्ष २०८२÷८३का लागि ७० लाख छुटिएको खड्काले जानकारी दिनुभयो
