काठमाडौं। कोरोना भाइरस (कोभिड–१९) को संक्रमणले भयावह रूप लिएको भारतमा पछिल्लो समय दैनिक संक्रमित संख्या झन् बढ्दै गएको छ । मंगलबार मात्र भारतमा कोरोना संक्रमणबाट १७२ जनाको ज्यान गएको छ ।
विभिन्न तथ्याङ्क निकाल्ने संस्था वर्ल्डो मिटर्स डट इन्फोका अनुसार भारतमा बुधबार बिहानसम्म कोरोनाका कारण मृत्यु हुनेको संख्या ४ हजार ३४४ पुगेको छ भने संक्रमितको संख्या १ लाख ५० हजार ७५३ पुगेको छ ।
भारतमा मंगलबार एकैदिनमा ५ हजार ८४३ नयाँ संक्रमित थपिएका छन् । सोमबार भने ६ हजार ४ सय १४ नयाँ संक्रमित थपिएका थिए ।
कुल संक्रमितमध्ये हालसम्म ६४ हजार २७७ मानिस उपचारपछि निको भएर घर फिर्किएका छन् । भारतमा अहिले ८२ हजारभन्दा बढीमा कोरोना भाइरस सक्रिय रहेको छ । तीमध्ये ८ हजार ९४४ को अवस्था गम्भीर रहेको बताइएको छ ।
भरतमा सबैभन्दा बढी प्रभावित महाराष्ट्र राज्य रहेको छ । लगभग देशैभर संक्रमण फैलिसकेको भारतले अब अर्थतन्त्र बचाउन लकडाउन खुकुलो पार्न थालेको छ । त्यहाँ रेल, सार्वजिनक यातायात र आन्तरिक विमानहरू खुलिसेको बताइएको छ ।
