बागलुङ / बागलुङको जैमिनी नगरपालिका वडा नम्बर ८ मा रहेको गाइथुने भुनेवा सामुदायिक बनमा शिकार खेल्न गएका ५ जना अवैध हातहतियार सहित नियन्त्रणमा लिएको जिल्ला प्रहरी कार्यालय बागलुङले जनाएको छ ।
जैमिनी नगरपालिका वडा नम्बर ८ मा रहेको गाइथुने भुनेवा सामुदायिक बनमा शिकार खेल्न गएको समयमा नियन्त्रण गरिएको जिल्ला प्रहरी कार्यालयका सुचना अधिकारी एबम प्रहरी नायब उपरीक्षक मदन केसीले जानकारी दिनुभयो । यहीँ माघ ४ गते राति अन्दाजी ११ बजेर ४५ बजेको समयमा जिल्ला बाँके राप्ति सोनारी गाउँपालिका वडा नम्बरका ३४ बर्षे बिष्णु बहादुर् कुमाल, २४ बर्षे सुनिल कुमाल , ४१ बर्षे राम बहादुर कुमाल ३० बर्षे बुद्धि बहादुर कुमाल र बागलुङ जिल्ला जैमिनि नगरपालिका वडा नम्बर ८ का २४ बर्षे तुलबहादुर नेपाली गरी ५ जनालाई हातहतियार खरखजना सम्बन्धी मुद्दामा आइतबार बागलुङ जिल्ला अदालतबाट म्याद थप गरी थप अनुसन्धान गरिरहेको प्रहरी नायब उपरीक्षक केसीले जानकारी दिनुभयो ।
