बागलुङ, ४ साउन। बागलुङ जिल्लामा पछिल्लो तीन आर्थिक वर्षमा कुल ५९ वटा सवारी दुर्घटना भएका छन्।
जिल्ला ट्राफिक प्रहरी कार्यालय बागलुङका अनुसार आर्थिक वर्ष २०८०/८१ देखि २०८२/८३ सम्म जिल्लामा विभिन्न प्रकारका सवारी साधन दुर्घटनामा परेका हुन्।
जिल्ला ट्राफिक प्रहरी कार्यालय बागलुङका प्रहरी नायब निरीक्षक सन्तोष ज्ञवालीका अनुसार आर्थिक वर्ष २०८२/८३ मा २१ वटा सवारी दुर्घटना भएका छन्। दुर्घटनामा १० वटा जिप/कार, ३ वटा ट्र्याक्टर, १ वटा टेम्पो र ७ वटा मोटरसाइकल संलग्न रहेका थिए।
त्यसैगरी, आर्थिक वर्ष २०८१/८२ मा १९ वटा सवारी दुर्घटना भएका थिए। ती दुर्घटनामा १ वटा टिपर, १ वटा बस, १२ वटा जिप/कार, २ वटा ट्र्याक्टर संलग्न रहेको जिल्ला ट्राफिक प्रहरी कार्यालयले जनाएको छ।
यस्तै, आर्थिक वर्ष २०८०/८१ मा पनि १९ वटा सवारी दुर्घटना भएका थिए। तीमध्ये १ वटा बस, ८ वटा जिप/कार, १ वटा टेम्पो, १ वटा ट्र्याक्टर र ८ वटा मोटरसाइकल दुर्घटनामा परेका थिए।
