बागलुङ । राष्ट्रिय स्वतन्त्र पार्टी (रास्वपा) बागलुङले पार्टीको दोस्रो स्थापना दिवसको अवसरमा धौलागिरि अस्पताल बागलुङलाई सरसफाईका सामाग्री प्रदान गरेको छ । पार्टीको केन्द्रिय कार्यक्रमअन्तर्गत स्थापना दिवस मनाउन शुरु गरेको रास्वपा बागलुङले मंगलबार अस्पताललाई सरसफाईका सामाग्री प्रदान गरेको हो ।
अस्पताललाई १० लिटर हार्पिक, १० लिटर ह्याण्डवास, १० लिटर फ्लोर क्लिनर, ४ थान झाडु, ४ थान मफ र ४ थान डस्विन गरि १० हजार ३ सय रुपैयाँ बरावरको सामाग्री हस्तान्तरण गरिएको पार्टीका जिल्ला उपसंयोजक टेकबहादुर कुँवर ‘रमेश’ले जानकारी दिए ।
जिल्ला उप–संयोजक कुवँर, प्रदेश उप–सभापति मिना शर्मा आचार्य, नगर सभापति रामप्रसाद अधिकारीले सामाग्री प्रदान गरेका थिए ।
पार्टीले बागलु्ङ बजारमा कुहिने र नकुहिने फोहोर संकलनका लागि ६० वटा डस्विन पनि नगरपालिकालाई प्रदान गर्ने तयारी गरेको कुँवरले जानकारी दिए ।
कार्यक्रमअन्तर्गत ५ गते शालिग्राम संग्रालय परिषरमा वृक्षारोपण गर्ने र ७ गते पार्टी स्थापनाको दिन चियापान कार्यक्रम गरिने ¥यापिड टिम संयोजक रुसन सापकोटाले जानकारी दिए ।
पार्टीले बिभिन्न कार्यक्रमका साथ असार ७ गतेसम्म दोस्रो स्थापना दिवस मनाउँदै छ । ।
