बागलुङ , १ असाेज। प्रसिद्ध धार्मिक शक्तिपिठ कालीका भगवती मन्दिर गुठी ब्यवस्थापन समिति बागलुङले भदौ महिनाको आम्दानी खर्चको हिसाबकिताब सार्वजनिक गरेको छ । कालीका गुठी ब्यवस्थापन समितिका अध्यक्ष कुमार खड्काको अध्यक्षतामा बसेको बैठकले भदौ महिनाको हिसाबकिताब सार्वजनिक गरेको हो ।
भदौ महिनाको आम्दानी तर्फ भक्तजनले मन्दिरमा चढाएको भेटी ७ लाख ८६ हजार ५ सय ६५ रूपैयाँ ,चामल बिक्रीबाट २१ हजार रूपैयाँ, बोकाको टाउकोबाट ६९ हजार ७ सय ५० रूपैयाँ, कुखुराबाट ६ हजार ५ सय ५०, राँगोबाट ३ हजार ६ सय संकलन भएको छ । यसैगरी सटर भाडा ३ लाख १९ हजार ५ सय ४० रूपैयाँ, विवाहबाट ४ हजार ५ सय, राँगोबाट २ हजार आर्थिक सहयोग बापत ५४ हजार २ रूपैयाँ, परेवा बिक्रीबाट ४ लाख ९६ हजार रूपैयाँ र पण्डितबाट १४ हजार र ब्रतबन्ध बाट ६ सय रूपैयाँ गरि १७ लाख ७४ हजार ५ सय ७ रूपैयाँ आम्दानी गरेको कालीका भगवती गुठी ब्यवस्थापन समितिका कोषाध्यक्ष रामबहादुर खड्काले बताउनुभयाे ।
समितिले भदौ महिनामा खर्चतर्फ कर्मचारीको तलबभत्तामा ३ लाख ८८ हजार १५०, बिधुतमा ५६ हजार ८ सय ३५ रूपैयाँ, अतिथि सत्कारमा ७२ हजार, उपहार २० हजार, पूर्वाधार तर्फ ४ लाख ८३ हजार ७ सय, मेसिनरी तथा उपकरण खर्च १ लाख ५७ हजार ९ सय, खाध्यान्न तथा आवास ७८ हजार र बिज्ञापनमा १५ सय, सांस्कृतिक कार्यक्रम तथा भजनमा २० हजार ५ सय खर्च भएको कोषाध्यक्ष खड्काले बताउनुभयाे । खर्च घटाउँदा भदौमा गुठीले जम्मा ४ लाख ३५ हजार ९ सय २२ रूपैयाँ बचत गरेको छ । गुठी ब्यवस्थापन समितिले कालीका भगवती मन्दिरमा भएको आम्दानी खर्चको हिसाबकिताब नियमितरूपमा सार्वजनिक गर्दै आएको गुठीका सचिव अर्जुन खड्काले बताउनुभयाे ।
