बागलुङ , ५ पाैष । इमेज बचत तथा ऋण सहकारी संस्थाको विषयमा सिधाकुरामा पुस ३ गते प्रकाशित भएको समाचार झुट र भ्रम फैलाउने खालको भएको भन्दै तत्काल सच्याउन आग्रह गरिएको छ ।
इमेज बचत तथा ऋण सहकारी पीडित संघर्ष समितीले शनिबार बैठक बसेर निर्णय गर्दै झुटो र तथ्यहिन उक्त समाचारले पीडित बचत कर्तामा त्रसित पारेको भन्दै समाचार तत्काल नसच्याए कानुनी कारर्वाहिका लागि बाध्य हुने बताएको छ ।
संघर्ष समितिका संयोजकलाई आरोपित गर्ने उद्देश्यले प्रकाशित तथ्यहिन समाचारले पीडित र संघर्ष समितिको प्र्रतिष्ठामा आँच पु¥याएको भन्दै पत्रकारिताको धर्म र आचारसंहिता अनुसार समाचार प्रशारण गर्न माग गरिएको छ ।
संघर्ष समितिका संयोजक डीलबहादुर कार्कीको अध्यक्षतामा बसेको बैठकले उक्त निर्णय गरेको हो ।
पुस ३ गते सिधाकुराबाट ‘मिलापत्रको नाममा नाटकिय रुपमा फेरि ठगिए बागलुङका ११ सय सहकारी पीडित’ शिर्षकको समाचार प्रकाशित भएको थियो ।
