बागलुङ , २६ माघ । बागलुङमा दुई सय बढि एचआइभी संक्रमित रहेका पाईएको छ ।
प्रदेश जनस्वास्थ्य कार्यालय बागलुङका अनुसार २ सय १९ जना मध्य १ सय १३ जना महिला, ९९ जना पुरुष, १५ वर्ष भन्दा कम उमेरका ३ जना बालिका, ४ जना बालक र १८ वर्ष भन्दा कम उमेरका २१ जना रहेकाे जनाएको छ ।
धौलागिरी प्रादेशिक अस्पताल बागलुङमा सञ्चालित एआरटी (एन्टी रेक्टो ट्रिटमेन्ट)सेन्टरका अनुसार ४ जना यौनकर्मी, ३ जना लागुपदार्थ प्रयोगकर्ता, ७२ जना वैदेशिक रोजगारिबाट फर्किएकाहरु र १ सय ४० जना अन्य रहेको प्रदेश जनस्वास्थ्य कार्यालय बागलुङका सूचना अधिकारी देवप्रकाश घिमिरले जानकारी दिनुभयो । घिमिरेका अनुसार हरेक वर्ष संक्रमितको संख्या बढ्दै गएपनि उनिहरु समाजमा विभेद, लान्छना र भेदभावका डरले खुल्न नसकेको बताउनुभयो ।
रोगले भन्दा पनि परिवार, मानिसहरुमा संक्रमण देखिएपछि नियमिति औषधी सेवन र चेकजाँचमा जत्ति समस्या देखिएको छ र पहिलो पटककै परिक्षण र रोगको पहिचान गर्नमा समस्या रहेको छ ।एचआइभीको परिक्षण भन्यो भने अहिले पनि मानिसहरु परिक्षण गर्न डराउने गरेको भन्दै घिमिरेले अन्य रोगको पहिचान र रोकथामका लागि स्वास्थ्य संस्थाले गर्दै आएको कार्यक्रम जस्तो सजिलो नभएको बताउनुभयो ।
पहिचान खुल्ने डरले संक्रमितहरु उचित परामर्श लिन समेत डराउने गरेको प्रदेश जनस्वास्थ्य कार्यालय बागलुङका प्रमुख प्रविण शर्माले बताउनुभयो । लान्छना र भेदभाव न्यूनिकरण कार्यक्रममा बोल्दै उहाँले नयाँ संक्रमण शून्य, भेदभाव र एडसबाट हुने मृत्यु शून्य पुर्याउने उद्देश्य अनुरुप यस सम्बन्धी जनचेतना जगाउने कार्यक्रमा लागि रहेको शर्माले बताउनुभएको थियो ।
शर्माले भन्नुभयो, सँगै बस्दैमा, खाना खाजा खाँदैमा, हास्दैमा बोल्दैमा एचआइभी नसर्ने भन्दै संक्रमित र उसको परिवारलाई हेर्ने दृष्टिमा परिर्वतन नभएका संक्रमितलाई समाजमा खुलेर हिड्न ग्राहो भएको छ ।एचआइभी संक्रमितसँग गरिएको असुरक्षित यौन सम्पर्कबाट मात्र सर्छ भन्ने आम मानिसको गलत बुझाई पनि संक्रमित खुल्न नसकेको प्रमुख कारण भएको शर्माको भनाई छ ।
एचआइभी सर्ने विभिन्न माध्यम र कारणहरु भएको भन्दै नियमिति औषधी सेवनले यसको संक्रमण सम्भावना समेत कम गर्ने शर्माले बताउनुभयो । एचआइभी संक्रमित व्यक्तिको रोगसँग लड्नसक्ने प्रतिरोधात्मक शक्ति कम हुने र अन्य रोगको संक्रमणका कारण मृत्यु हुनसक्ने भन्दै उहाँले नियमित औषधी सेवन गरे एचआइभी संक्रमण भएकै कारण मानिसको मृत्यु नहुने उहाँले बताउनुभयो ।
