बागलुङ, २८फागुन । इनिसालाई न्याय माग्दै अन्तर पार्टी महिला सञ्जाल बागलुङद्वारा प्रजिअलाई ध्यानाकर्षण पत्र बुझाएको छ ।
सञ्जालले बलात्कार पछि हत्या गरिएकी सुर्खेतकी इनिसा विकका दोषीलाई तत्काल कानुनी दायरामा ल्याएर कडा कारबाही गर्न माग गरेको हो।
बागलुङका प्रमुख जिल्ला अधिकारी कृष्ण प्रसाद आचार्यलाई ध्यानाकर्षण पत्र हस्तान्तरण गर्दै अन्तरपार्टी महिला सञ्जालले १६ वर्षीया इनिसामाथी भएको जघन्य अमानवीय तथा निन्दनीय घटनप्रति गम्भीर ध्यानकर्षण भएको जनाएको छ ।
प्रमुख जिल्ला अधिकारी आचार्यलाई ध्यानाकर्षण पत्र हस्तान्तरण गर्दै अन्तरपाटी महिला सञ्जाल बागलुङका अध्यक्ष सीता सापकोटाले इनिसामाथी भएको कुर अपराधले सम्पूर्ण समाजलाई स्तब्ध बनाउनुका साथै मानव अधिकार महिला सुरक्षा र कानुनी शासन माथि गम्भीर चुनौती खडा गरेको बताउनुभयो ।
ध्यानाकर्षण पत्रमा इनिसाको घटनाले कानुनी राज्यको उपहास भएको भन्दै सभ्य र न्यायपूर्ण समाजमा यस्ता खालका अमानवीय अपराधहरु कदापि स्वीकार्य गर्न नसकिने उल्लेख गरिएको छ ।
