बागलुङ, २२ माघ । प्रतिनिधी सभा बागलुङ –२ का उम्मेदवार ज्ञामनाथ गैरे (अनिल) ले जनपक्षीय नीति निर्माण गर्नुपर्ने बताएका छन् ।
नेपाली कम्युनिस्ट पार्टी (नेकपा) र राष्ट्रिय जनमोर्चाका संयुक्त उम्मेदवार गैरेले बुधबार ढोरपाटन नगरपालिकाको वडा नं ९ मोम्लामा कार्यकर्तासँग भेटघाट तथा अन्तरक्रिया कार्यक्रमलाई सम्बोधन गर्दै उनले यस्तो बताएका हुन्।
उनले पुराना नीति नियम जसले जनतालाई दुःख दिएको छ त्यसलाई बदलेर जनताको सेवा गर्ने नीति बनाउनु पर्ने उनको भनाई छ ।
“यहाँ विभिन्न हल्ला पनि भएको छ ढोरपाटन शिकार आरक्ष क्षेत्रमा मध्यवर्ती क्षेत्र बनाउने, हामीले चाहन्छौं यहाँका जनता विकास विरोधी होइन जनताले विकास खोजेको छ तर विकासकोे नाममा नागरिकका जीवनमाथि खेलवाड गर्नु हुँदैन“उनले भने
गैरेले जनताले पाउनु पर्ने सेवा सुविधालाई प्रमुख प्राथमिकता दिनु पर्ने बताएका छन्। जनतालाई खुशी बनाएर राज्यले लाभ लिनुपर्ने उनको भनाई छ ।
कार्यक्रममा नेकपा केन्द्रिय सदस्य निल बहादुर पुन, राष्ट्रिय जनमोर्चाका जिल्ला सदस्य धन बहादुर अदै, लगायतले बोल्दै आफ्ना उम्मेवारलाई भारी मत दिएर विजयी गराउन अपील गरेका थिए । स्थानीय खुम बहादुर बिक ले यहाँको समस्या बारे जानकारी गराएका थिए
चुनाव प्रचार समिति ढोरपाटन ९ का संयोजक मदन बि क को अध्यक्षता र राजमो को थम्मन घर्तीको स्वागत र नेकपा हेमेन्द्र घर्तीको सञ्चालनमा कार्यक्रम सम्पन्न भएको थियो।
