बागलुङ, १९ चैत्र । बागलुङमा चौथो संस्करणको जेसिज कप फुटबल प्रतियोगिता हुने भएको छ ।
गण्डकी प्रदेश स्तरमा खुला प्रतियोगिताका रूपमा जेसिज कप आयोजना गर्न लागिएको बागलुङ जेसिज वर्ष २०२६ का अध्यक्ष अन्जिला श्रेष्ठले जानकारी दिनुभयो ।
लगातार बागलुङ जेसिजले २ लाख राशिको ‘जेसिज कप’ फुटबल प्रतियोगिता गर्दै आएको उक्त प्रतियोगिता चैत २३ देखि २८ गतेसम्म प्रतियोगिता सञ्चालन गरिने फुटबल संयोजक शुभम राजभण्डारीले जानकारी दिनुभयो ।
प्रतियोगितामा १२ टिम सहभागी हुने जनाइएको छ । खेलमा सेना र प्रहरीको टिम पनि सहभागी हुने छ ।
फुटबलमा प्रथम हुनेले २ लाख, द्वितीयले १ लाख नगद पुरस्कार पाउनेछन् । त्यसबाहेक उत्कृष्ट खेलाडी र टिमलाई विधागत पुरस्कृत गरिने छ । नेपाल फुटबल संघ एन्फाबाट समेत अनुमति लिएर खेल संचालन गरिन लागेको राजभण्डारीले जानकारी दिनुभयो ।
