बागलुङ ,२५ जेठ । नेपाल पत्रकार महासंघ बागलुङ शाखाले सरकारलाई हस्ताक्षर बुझाएको छ ।
नीजि संचारमाध्यममा सरकारी विज्ञापन रोक लगाउने सरकारको विभेदकारी निर्णयविरूद्ध नेपाल पत्रकार महासंघले सुरू गरेको देशव्यापी हस्ताक्षर संकलन अभियान अन्तर्गत बागलुङ शाखाले संकलित हस्ताक्षर प्रजिअमार्फत प्रधानमन्त्रीलाई बुझाएको नेपाल पत्रकार महासंघ बागलुङका अध्यक्ष राम थापा अविरलले जानकारी दिनुभयो ।
स्थानीय तथा राष्ट्रिय सञ्चारमाध्यमलाई विभेद गर्ने, स्वतन्त्र पत्रकारितामाथि असर पार्ने र साना मिडियालाई संकटमा पार्ने खालका प्रावधान सच्याउन महासंघले सरकारसँग माग गर्दै अभियान थालेको थियो ।
उक्त हस्ताक्षर बुझ्दै जिल्ला प्रशासन कार्यालय बागलुङका प्रमुख जिल्ला अधिकारी कृष्ण प्रसाद आचार्यले प्रधानमन्त्री तथा मन्त्री परिषदको कार्यालयमा पठाउने प्रतिवद्धता व्यक्त गर्नुभएको थिगो ।
प्रेस तथा अभिव्यक्ति स्वतन्त्रताविरोधी अभ्यास, सूचना पहुँचमा नियन्त्रण तथा सरकारी खर्च कटौतीको बहानामा सबै तहको सरकारी विज्ञापन राज्य नियन्त्रित सञ्चारमाध्यमलाई मात्र दिने विभेदकारी निर्णय विरुद्ध महासंघ आन्दोलित भएको छ ।
यही जेठ १३ गतेसम्म हस्ताक्षर अभियान गरेकाो थियो ।
