पोखरा, बैशाख २२ गते । पोखरामा रहेका पूर्व युवराज पारस शाहलाई हृदयघात भएको हल्ला फैलिएपछि आफू ठिक रहेको बताएका छन् । फेसबुक लाइभमामार्फत शाहले आफू चार दिनदेखि निरन्तर पार्टीमा रहेको र स्वस्थ रहेको बताएका हुन् ।
क्यान वियर र चुरोट हातमा लिएका शाहले भिडियोमा भनेका छन्– ‘मलाई केही भएको छैन है साथीहरु, मलाई हृदयघात भयो रे भन्ने खालका हल्ला सुनें, के हर्टअट्याक हुने मान्छे हो म ? भएपनि फेरि उठ्छु ।’ भिडियोमा केही युवा युवतीको आवाज समेत सुनिन्छ । ति युवायुवतीले फेसबुक लाइभमा गरेका कमेन्टहरुका बारेमा पनि पारस शाहलाइ पढेर सुनाएका छन् । क्यान बियर र चुरोट समातेर यताउता गरिरहेका पासलसँगै ति युवा युवतीहरुले कसले हल्ला फैलाएको भन्ने बारेमा ‘आइपी ठेगाना’बाट पत्ता लगाउन सकिने समेत भनेका छन् ।
मदिराको तालमा देखिएका पारसले आफू निरन्तर चारदिनदेखि पार्टीमा रहेको र पार्टी अर्को सातासम्मपनि गरिदिने बताएका छन् । आफ्नो नामको प्रचार गरेको भन्दै शाहले ‘आफ्नो नाम बेचेर कसैलाई खान पुग्छ भने म छाड्दिन्छु भनेका छने ।’ शाहले फेसबुकमा विगत केही दिनदेखि नियमित भिडियाे लाइभ गरिरहेका छन् ।
पारस शाहले आफ्ने फेसबुकमा राखेकाे भिडियाे ।
