काठमाडौं । देशभर कोरोना संक्रमितको संख्या कुल एक हजार चार सय एक पुगेको छ ।
जसमा १२ सय ८८ जना पुरुष र एक सय १३ जना महिला रहेको स्वास्थ्य तथा जनसंख्या मन्त्रालयले जनाएको छ ।
पछिल्लो समय थपिएका १ सय ८९ नयाँ संक्रमित संगै संख्या बढेर १४ सय नाघेको मन्त्रालयका प्रवक्ता डा। विकास देवकोटाले जानकारी दिए ।
नयाँ थपिएकामा १ सय ८५ पुरुष र ४ जना महिला रहेका छन् ।
जसमा धनुषाका ७ जना, झापाका १ जना, कपिलवस्तुका ७७ जना, ललितपुरकी १ जना, महोत्तरी चार जना, रौटहटका ६ जना, सर्लाही १७ जना र सिरहाका ११ जना रहेका छन् ।
त्यसैगरी कपिलवस्तु २९ जना, सप्तरीका ९ जना रहेका छन् ।
त्यसैगरी कपिलवस्तुकै ३ जना, दाङ्गका ५ जना, बाराका १ जना, पर्साका २ जना रहेका छन् ।
त्यसैगरी दैलेखका १४ जनामा पनि संक्रमण पाइएको छ । त्यसैगरी संखुवासभामा पहिलो पटक २ जनामा संक्रमण पाइएको छ ।
शनिबार कोरानो निको भई थप १३ जना डिस्चार्ज भएका प्रवक्ता डा। देवकोटाले जानकारी दिए ।
यो संगै हालसम्म देशभर गरी २ सय १९ जना कोरोना निको भएर डिस्चार्ज भएका छन् । जसमा १ सय ७२ जना पुरुष र ४७ महिला रहेका छन् ।
प्रादेशिक हिाबले प्रदेश १ मा १ सय ६० जना, प्रदेश २ मा ५ सय ४७ जना, बाग्मती प्रदेशमा ४५ जना कोरोना संक्रमित उपचारका क्रममा छन् ।
त्यसैगरी गण्डकी प्रदेशमा २० जना, प्रदेश ५ मा ५ सय ४७ जना, कर्णाली प्रदेशमा ६१ जना र सुदुरपश्चिम प्रदेशमा २१ जना संक्रमित उपचारका क्रममा रहेको मन्त्रालयले जनाएको छ ।
देशभरका ५३ जिल्ला कोरोनाबाट प्रभावित बन्न पुगेका छन् ।
मन्त्रालयका प्रवक्ता डा। देवकोटाले दैलेखको दुल्लुमा क्वारेन्टाइनमा निधन भएका भनिएका व्यक्तिको स्वाव परीक्षणकै क्रममा रहेकाले उनको निधन कोरोनाबाट भए नभएको अहिले नै भन्न नसकिने बताए ।
