पोखरा, असार ९ गते । गण्डकी प्रदेशमा मंगलबार एकै दिन १०४ जनामा कोरोना भाइरस कोभिड १९ संक्रमण देखिएको छ ।
गण्डकी प्रदेश स्वास्थ्य निर्देशनालयकाअनुसार मंगलबार बेलुकासम्म गरिएको परीक्षणमा १०४ जना नयाँ संक्रमित थप भई कुल संक्रमितको संख्या ६९७ पुगेको हो ।
निर्देशनालयले मंगलबार साँझ जारी विज्ञप्तीकाअनुसार संक्रमण देखिएका अधिकांशको परीक्षण राष्ट्रिय जनस्वास्थ्य प्रयोगशाला काठमाडौंमा गरिएको थियो ।
गण्डकी प्रदेशमा क्वारेन्टाइनमा बस्नेहरुको संख्या बढ्दै जाँदा स्वाब समेत थुप्रिन थालेपछि राष्ट्रिय जनस्वास्थ्य प्रयोगशाला काठमाडौंमा स्वाब परीक्षणका लागि पठाइएको थियो ।
राष्ट्रिय जनस्वास्थ्य प्रयोगशाला काठमाडौंमा परीक्षण गर्दा मंगलबार पर्वतका २१ जना, नवलपरासी पुर्वका २१ जना, स्याङ्जाका १३ जना, गोरखाका १३ जना, कास्कीका ७ जना, बागलुङका ६ जना, तनहुँका १ जनामा संक्रमण पुष्टी भएको थियो ।
गोरखामा संक्रमित पुष्टी भएका १८ जना मध्य १३ जनाको राष्ट्रिय प्रयोगशाला र ५ जनाको पोखरा स्वास्थ्य विज्ञान प्रतिष्ठानमा परीक्षण गरिएको थियो ।
यस्तै पुर्वी नवलपरासीबाट स्वाब संकलन गरि भरतपुर अस्पतालमा पठाइएका स्वाब मध्य १७ जनामापनि कोरोना पुष्टी भएको निर्देशनालयले जनाएको छ ।
नयाँ संक्रमितसँगै हालसम्म पुर्वी नवलपरासीका १७९ जना, बागलुङका १३१ जना, स्याङ्जाका १२०, तनहुँका ९०, गोरखाका ६९, पर्वतका ६७, कास्कीका २५, म्याग्दीका ८, लमजुङका ६, मनाङ र मुस्ताङका १÷१ जना रहेका छन् ।
यी मध्य पुर्वी नवलपरासीमा पाँच, बागलुङमा २३, स्याङ्जामा २१, तनहुँमा ९, गोरखामा ८, पर्वतमा ८, कास्कीमा ६, म्याग्दीमा २, लमजुङमा १ जनामा कोरोना मुक्त भएका छन् ।
