सप्तरी । सप्तरीको इमेरजेन्सी वार्डमा भर्ना भएका एक बिरामीमा कोरोना संक्रमण देखिएपछि राजविराजस्थित गजेन्द्रनारायण सिंह अस्पतालका ४ चिकित्सकसहित १४ जना स्वास्थ्यकर्मीलाई क्वारेन्टाइनमा राखिएको छ ।
गत बुधवार बिष सेवन गरी सिकिस्त भई अस्पतालमा भर्ना भएका तिलाठी कोइलाडी गाउँपालिकाका ५० वर्षीय पुरुषमा शुक्रबार संक्रमण पुष्टि भएको थियो । उनी संक्रमित देखिएसँगै इमेरजेन्सी वार्डमा खटिएका चिकित्सकसहित १४ जना स्वास्थ्यकर्मीलाई राजविराजस्थित एक होटेलमा क्वारेन्टाइनमा राखिएको अस्पतालले जनाएको छ ।शुक्रवार मध्येरातिसम्म अस्पताल सिल गरी सेनिटाइज, वासिङ्गसहितका कार्य सम्पन्न भएपछि शनिबारबाट उपचार सेवा सञ्चालन गरिएको मेडिकल सुपरिन्टेन्डेन्ट डा.रञ्जितकुमार झाले जानकारी दिनुभएको छ ।
अस्पतालमा यसअघि पनि एक सरसफाईतर्फका कर्मचारी र अस्पताल परिसरभित्रै रहेको पोषण गृहकी एक कर्मचारीमा संक्रमण पुष्टि भएको थियो ।
