बागलुङ । शुन्य गरिवी, शुन्य बेरोजगारी र शुन्य खुद कार्वन उत्सर्जनको लक्ष्य प्राप्ती गर्न युवा पुस्तालाई नेतृत्वदायी भूमिका प्रदान गर्ने उद्देश्यले बागलुङमा गठित थ्रि जिरो क्लवहरुको प्रथम सम्मेलन बैशाख १५ गते हुने भएको छ । चारतारे युवा क्लव, सिवाईसी नेपाल र सिवाईसी बचत तथा ऋण सहकारी संस्था लिमिटेडको संयुक्त आयोजनाका बैशाख १५ गते बागलुङ बजारमा थ्री जिरो क्लबको प्रथम सम्मेलन गर्न लागेको पत्रकार सम्मेलन गरि जानकारी गराएको हो ।
थ्रि जिरो क्लवको अवधारण नोबल शान्ति पुरस्कार विजेता प्रोफेसर डा.मोहम्मद युनुसले ल्याउनु भएको हो । सोही परिकल्पना अनुसार विश्वभरका ५४ वटा देशमा यस्ता प्रकारका क्लवहरु गठन भई परिचालीत रहेका छन् । नेपालमा पनि केही गैरसरकारी, सहकारी र लघुवित्त संस्थाहरुले युनुसको परिकल्पनालाई पछ्याउदै यो कार्य अगाडि बढाईरहेको छन् ।
थ्री जिरो क्लवको विश्वव्यापी सञ्जाल निर्माण गर्ने, थ्री जीरोको महत्व, आवश्यकता एवं लक्ष्यबारे जानकारी गराई त्यसमा युवाहरुको रचनात्मक र नेतृत्वदायी भूमिकाको अवसर सिर्जना गर्ने, विश्वका जल्दाबल्दा समस्याहरुको समाधानमा स्थानीय स्तरबाटै पहलकदमी गर्ने जस्ता कार्यहरु गर्नका लागि स्वतस्फुर्त रुपमा यस्ता क्लवहरु गठन गर्ने गरिएको छ ।
सम्मेलनमा ५६ क्लवका सम्पूर्ण संयोजक, सहसंयोजक, सदस्य, विद्यालयका प्रध्यानध्यापक, गरि २८०, फोकल शिक्षक, केही सिर्जनशिल युवाहरु, जनप्रतिनीधि लगाएत गरि करि ४ सय जनाको उपस्थितीमा थ्रि जिरो क्लवको प्रथम जिल्ला सम्मेलन गर्न लागिएको चण्डी प्रसाद शर्मा पौडेलले बताउनुभयो ।
सो अवसरमा पौडेलले वातावरणमैत्री स्वावलम्वन नमुना गाउँ विकास कार्यक्रमको अवधारण, यसको आवश्यकत, महत्व, सुचक र सञ्चालन हुने क्रियाकलाप तथा थ्रि जिरो क्लवको अवधारण, थ्रि जिरो क्लव किन रु नेपाली युवाका वर्तमान समस्या, चुनौती र अवसरथ्रि जिरो क्लवले गर्ने क्रियाकलाप, स्थानीय तहसंगको सम्वन्ध लगाएतका विषयमा सहजिकरण गर्नुभएको थियो ।
गरिबी बेरोजगारी र कार्वन रहीत समाजको सृजना गर्ने उदेश्यले चारतारे युवा क्लब नेपाल र सिवाईसी बचत तथा ऋण सहकारी सस्थाले बागलुङले जिल्लाका बिभिन्न बिद्यालय तथा क्याम्पसमा थ्री जिरो क्लब गठन गरिरहेको छ । संस्थाले वातावरण मैत्री नमुना गाउँ बनाउनका लागि ९ वटा गाउँको आधारभूत सर्वैक्षण गरिरहेको समेत जानकारी गराइएको थियो ।
कार्यक्रममा नेपाल पत्रकार महासंघ बागलुङका सचिव विजय रानाले आफ्नो धारणा राखेका थिए ।
कार्यक्रम सिवाईसी नेपालका अध्यक्ष चण्डी प्रसाद शर्माको अध्यक्षता, सिवाईसी बचत तथा ऋण सहकारी संस्थाका उपाध्यक्ष सीता सापकोटाको स्वागत र सहकारीका सहसचिव सुवास आचार्यको संचालनमा सम्पन्न भएको थियो ।
