बागलुङ, २१ जेठ । बागलुङ नगरपालिकाको गौरवको योजना ब्लु हिल निर्माणको काम तीव्र गतिमा भइरहेको छ ।
नगरपालिकाले डोयलाई नगरपालिका स्तरिय गौरवको योजनामा समावेश गरी पर्यटकीय गन्तव्य बनाउनका लागि पूर्वाधार निर्माण गर्ने काम भइरहेको छ । डोयबाट देखिने दृष्यहरुलाई पर्यटकीय गन्तव्य बनाउनको लागि बागलुङ् नगरपालिकाले गौरवको योजना कार्यान्वयनमा लागि अग्रसरता देखाएको हो ।
ब्लु हिल पर्यटकीय पूर्वाधार निर्माण गर्न चालु आर्थिक वर्षमा नगरपालिकाले रु ७० लाख बजेट बिनियोजन गरिएको छ । यो ब्लु हिल निर्माण सम्पन्न गर्नका लागि २४ करोड ५६ लाख २२ हजार लागत लाग्ने अनुमान गरिएको छ । यहाँ वनभोज रुथल, ध्यान केन्द्र, विभिन्न ठाँउहरु हेर्नका लागि दृष्यावलोकन स्थल, पक्की शौचालय, मन्दिर, पार्किङ लगायतका विभिन्न संरचनाहरु बनाउने तथा हरियो डाँडालाई ब्लु हिलको रुपमा बिकास गरी आन्तरिक तथा वाह्य पर्यटकहरुको उत्कृष्ट गन्तव्य स्थल बनाउँदै लैजान बागलुङ् नगरपालिकाले अग्रसरता देखाएको हो ।
