बागलुङ । नगर खानेपानी तथा सरसफाई उपभोक्ता संस्थालाई व्यक्तिगत स्वार्थको कृडास्थल बनाएको भन्दै राष्ट्रिय युवा संघ नेपाल जिल्ला कमिटि बागलुङले कार्यालयमा तालावन्दी गरेको छ । जिल्ला अध्यक्ष बुद्ध बोहराको नेतृत्वमा संस्थाको कार्यालय पुगेको युवा संघको समुहले अध्यक्ष र प्रबन्धकको कार्यकक्षमा तालाबन्दी गरेका हुन् ।
महंगिको मारमा रहेका उपभोक्तालाई थप मार पर्नेगरी न्युनतम महशुल बृद्धि गरेको, पानीको बक्यौता महशुल अशुल गर्नुपर्नेमा थप गरेको, फोहोर पानी धारामा पठाएको, अघिल्लो आर्थिक बर्षको व्ययभार चालु आर्थिक बर्षमा ल्याएको र जिम्मेबार व्यक्तिहरुबाटनै मिटर बिना पानीको प्रयोग गर्ने गरेको लगायतका आरोप लगाउँदै तालावन्दी भएको हो
युवासंघले उपभोक्ता हितको लागि तालाबन्दी गरेकाले आफ्ना माग सम्बोधन नगरी कुनैपनि कृयाकलाप गरे जस्तोसुकै कदम चाल्न बाध्यहुने अध्यक्ष बुद्ध बोहराले बताए । नियमित खानेपानी उपलव्धताका लागि प्राबिधिक र अन्य कर्मचारीको कार्यकक्षमा भने ताला नलगाएको उनले बताए ।
पानीको उपलव्धता र सुद्धाको बिषयलाई लिएर बागलुङ नगरपालिका १ रामरेखाका उपभोक्ताले पनि कार्यालयमा ताला लगाएका छन् । स्वस्फुर्त कार्यालयमा पुगेका उपभोक्ताले बिलिङ काउन्टर, लेखा शाखा लगायतका शाखाहरुमा ताला लगाएका हुन् ।
