बागलुङ, २९ वैशाख । जिल्ला प्रहरी कार्यलय बागलुङका नवआगन्तुक प्रहरी उपरिक्षक तिलक भारतीले नागरिक सामु पाग्ने गरि शान्ति सुरक्षा दिने बताएका छन् ।
जिल्ला प्रहरी कार्यालयमा आयोजित पत्रकार पत्रकार भेटघाट तथा अन्तरक्रिया कार्यक्रममा उनले यस्तो बताएका हुन ।
जिल्लामा हुने उत्स्रिखल गतिविधिलाई नियन्त्रणमा ल्याउने बताउदैँ उनले जनताको शान्ति सुरक्षाका लागि सहकार्य गरेर अघि बढ्न चाहेको बताए ।
उनले जिल्लाका लागी कुनै योजना नबनाएको सुनाउँदै आगामी दिनमा बनाउने बताए ।उनले अपराध नियन्त्रण, लागु औषध र जुवा तास निर्मुल पार्ने समेत बताए ।
पत्रकार पत्रकार भेटघाट तथा अन्तरक्रिया कार्यक्रममा नेपाल पत्रकार महासंघ बागलुङका अध्यक्ष राम थापा उपाध्यक्ष सुवास आचार्य सहसचिव डम्मर बुढा मगर लगाएतले पत्रकारले सूचना पाउन कठिनाई, कालीगण्डकी दोहन, ट्राफिक व्यवस्थापन, लागुऔषध, जुवातास जस्ता समस्या तथा मिडियाको अवस्थाको विषयमा प्रहरी प्रमुख भारतीलाई जनाकारी गराएका थिए ।
