बागलुङ, १२ जेठ । धौलागिरी प्रादेशिक अस्पताल बागलुङमा विरामीलाई फलफुल वितरण गरिएको छ ।
नेपाल प्रेस युनियनको ३४ औँ स्थापना दिवसमा नेपाल प्रेस युनियन बागलुङले ४० जना विरामीलाई फलफुल वितरण गरेको हो ।
कार्यक्रममा प्रेस युनियन बागलुङका निवर्तमान अध्यक्ष एवम केन्द्रिय सदस्य प्रदिप पन्तले युनियनले पत्रकारका हकहितका र रक्षार्थका लागि नेपाल प्रेस युनियनले काम गर्दै आएको बताए । ‘पत्रकारको पेशागत सुरक्षा र हकहितका लागि प्रेस युनियन क्रियाशील छ,’उनले भने,‘पेशागत मर्यादा कायम गर्दै पत्रकारको व्यवसायिक सुरक्षा र अधिकारको क्षेत्रमा हाम्रो संगठनले काम गर्छ ।’
कार्यक्रममा नेपाल पत्रकार महासंघ बागलुङका उपाध्यक्ष सृजना पन्त धौलागिरी प्रादेशिक अस्पतालका प्रमुख मेडिकल सुपरिटेण्डेण्ट किरण तिवारीले शुभकामना मन्तव्य राखेका थिए ।
नेपाल प्रेस युनियन बागलुङका अध्यक्ष संगम घर्तिको अध्यक्षता उपाध्यक्ष सुवास आचार्यको स्वागत र सचिव डम्मर बुढा मगरको सञ्चालनमा सम्पन्न भएको थियो ।
युनियनले मंगलवार साँझ दिप प्रज्वलन गर्ने, बुधवार मैत्रीपूर्ण फुटसल लगायतको कार्यक्रम तय गरिसकेको अध्यक्ष संगम घर्तीमगरलेजानकारी दिए । केन्द्रीय सर्कुलर अनुसारका कार्यक्रम तय गर्दै युनियनले अग्रज पत्रकार संवाद भन्ने कार्यक्रमपनि तय गरेको छ ।
