बागलुङ , ६ भदौ । बागलुङमा आयोजित अन्तरविद्यालय स्तरिय नृत्य प्रतियोगिता प्रिसियस एकेडमी प्रथम भएको हो ।
एनप्याब्सब जिल्ला समन्वय समिति र एनप्याबसन जिल्ला कार्यसमिती बागलुङले आयोजना गरेको अन्तर विद्यालयस्तरिय नृत्य प्रतियोगिताको प्रथम उपाधि एकेडमीले हात पारेको थियोभने द्धितीय गुराँस विद्या सदन, तृतीय फ्युचर ब्राइटर माध्यामिक विद्यालय र कालिगण्डकी आवासिय माविले सान्त्वना स्थान हासिल गरेको । प्रतियोगितामा आठ विद्यालयको सहभागिता रहेको थियो ।
प्रथम हुने प्रिसियस एकेडेमीका विद्यार्थीले नगद दश हजार, द्धितीय हुनले आठ हजार, तृतीयहुनेले छ हजार नगदसहित प्रमाणपत्र प्राप्त ट्रफि प्राप्त गरेका थिए भने सान्त्वनास्थान स्वरुप चार हजार नगदसहित प्रमाणपत्र प्राप्त गरेका थिए ।
कार्यक्रममा सहभागि विद्यालयलाई प्रोत्साहन स्वरुप नगद दुई हजार प्रदान गरिएको एनप्याब्सनका केन्द्रीय सचिव बालकृष्ण शर्माले जानकारी दिनुभयो ।
कार्यक्रम एनप्याब्सनका केन्द्रीय सचिव बालकृष्ण शर्माको अध्यक्षता र शिक्षक टिका पुनको सञ्चालनमा सम्पन्न भएको थियो ।
