बागलुङ, २८ भदौ । बागलुङ नगरपालिका भित्र रहेका विद्यालय भोलि (आइतबार)देखि खुल्ने भएका छन् ।
जेन्जी आन्दोलनका कारण बन्द भएका विद्यालय पछिल्लो अवस्था सहज भएपछि नगरपालिकाले विद्यालय खोल्ने निर्णय गरेको शिक्षा अधिकृत पूर्णबहादुर घर्तीले जानकारी दिनुभयो ।
यही भदौ २३ र २४ गते भएको जेन्जी आन्दोलनका कारण विद्यालय बन्द भएका थिए । कतिपय विद्यालयको पूर्वनिर्धारित परीक्षासमेत आन्दोलनका कारण प्रभावित भएको छ । शनिबारदेखि कर्फ्यु र निषेधाज्ञा हटेपछि बागलुङको जनजीवन सामान्य बन्दै गएको छ । सार्वजनिक सवारीसाधन सञ्चालनमा आएको छ । बजार पनि पूर्ववत् रुपमा खुलेको छ ।
